Tall in the Saddle
Tall in the Saddle (up plattdüütsch so veel as „Hooch in’n Sadel“; dt. Titel: Mit Büchse und Lasso) is en US-amerikaansch swart-witt-Western mit John Wayne un George Hayes ut dat Johr 1944.
| Filmdaten | |
|---|---|
| Plattdüütsch Titel: | — |
| Originaltitel: | Tall in the Saddle |
| Düütsch Titel: | Mit Büchse und Lasso |
| Produkschoonsland: | USA |
| Johr vun’t Rutkamen: | 1944 |
| Läng: | 87 Minuten |
| Originalspraak: | Engelsch |
| Öllersfreegaav in Düütschland: | FSK 6 |
| Filmkru | |
| Speelbaas: | Edwin L. Marin |
| Dreihbook: | Michael Hogan, Paul Fix |
| Produkschoon: | Robert Fellows |
| Musik: | Roy Webb |
| Kamera: | Robert De Grasse |
| Snitt: | Philip Martin |
| Szenenbild: | Ralph Berger, Albert S. D’Agostino |
| Kledaasch: | Edward Stevenson |
| Dorstellers | |
| |
Wat passeeren deiht
ännernRocklin is dör en Breef vun den Cardell in de lütt Stadt Santa Inez ropen wurrn. Up den Weg dorhen kriggt he mit, dat Cardell ümbrocht wurrn is. Statt in Deensten vun de Arvin to treeden, arbeit Rocklin för de jung Arly Harolday, de en Farm up de Nahberschopp führt un hüm eegentlich blots instellt, um hüm ut Rache för en erleeden Demütigung umgehend weer rutsmieten to können.
Nu versöcht Rocklin ruttofinnen, well Cardell ümbrocht hett un worüm Clara hör Tant Elizabeth dat so drup anleggen deiht, hör Nichte umgahn weer torüch in den Osten to schicken. Doch up hüm wurrd en Mordanslag veröövt. Nahdem he den Richter Garvey as Bedreger utfunnen hett, kummt Arly hör Bröer Clint bi en wiederen Anslag up Rocklin to Dood.
Wiel man hüm nu för den Mörder vun Clint hollt, neiht Rocklin ut. He will mit Clara in de nächste Stadt fohren, um dor Garvey wegen sien krumm Dinger antozeigen. Up Cardell sien Farm schafft he mit Arly hör Hülp de Verschwörung optodecken, bi de Cardell to Dood kommen is. An’ Enn’ stellt sück rut, dat Rocklin sülvst de rechtmäßig Arv vun Cardell is.
Achtergrund
ännernDe Filmgrött bedrocht 35-mm mit en Siedenverhältnis vun 1,37:1 un en Gesamtlängt vun 2,405 m. Produkschoonsfirma weer RKO Radio Pictures. In den USA harr de Film sien Eerstupführen an’ 29. September 1944. In de Westdüütschland wurr he eerstmals an’ 8. Dezember 1949 wiest. In Öösterriek keem de Film ünner de Titel Wildwest un Der Fremde aus Arizona. Anner Titel vun den Film sünd: In Arizona ist die Hölle los, as ok Der Rächer der Enterbten un Fest im Sattel.
Weblenken
ännern- Tall in the Saddle in de Internet Movie Database (engelsch)