Tallentheorie
De Tallentheorie is en Deelrebeet vun de Mathematik, dat de Egenschoppen vun Tallen un besünners vun helen Tallen ünnersöcht, un ok all de Problemen, de een dorbi finnen kann, t.B. de Fraag, wat dat unendlich vele Primtallen gifft (gifft dat) oder wat dat unendlich vele Primtalltweeschens gifft (warrt al lang so vermoodt, is aber nich bewiest).
Den Anfang mit de Tallentheorie hebbt al de Lüüd ut de Antike maakt. Euklid hett t.B. den Euklidschen Algorithmus rutfunnen, mit den een den gröttsten gemeensamen Deler vun twee helen Tallen gau utreken kann.
Üm 1800 hebbt de Mathematikers Legendre un Gauß de eersten systemaatschen Böker över de Tallentheorie schreven. Gauss sien Disquisitiones Arithmeticae (1801) gellt as de Anfang vun de moderne Tallentheorie.
Logik • Koppelkünn • Algebra (Abstrakte Algebra - Lineore Algebra) • Diskrete Mathematik • Tallentheorie • Analysis • Geometrie • Topologie • Anwennt Mathematik • Wohrschienlichkeit • Statistik