Teaninich

Teaninich is en Whisky-Brenneree bi Alness, Ross-shire, Schottland. Se liggt nich wiet weg vun de Brennereen Dalmore un Glenmorangie.

Teaninich
Brenneree Teaninich (Foto: Derek Spence)
Land	Schottland
Region	Highlands
Tyyp	Malt
Status	aktiv
Besitter	Diageo
Grünnt	1817
Grünner	Hugh Munro
Waterborn	Dairywell Spring
Washstill(s)	3
Spiritstill(s)	3
Produkschoonsvolumen	2.680.000 l

Historie

De Destille Teaninich is in’t Johr 1817 vun Hugh Munro mit dormols twee Brennblasen boet worrn. In de 1850er Johren weer se vun Robert Pattison pacht un güng 1898 in den Besitt vun Munro & Cameron över. 1904 weer se vun Robert Innes Cameron övernahmen un güng 1934 denn an de Scottish Malt Distillers (SMD). 1962 is en tweet Poor Brennblasen dortokamen. En nee Bowark mit dree Poor Brennblasen is 1972 anboet worrn, dat as Side A betekent weer. Dat olle Huus weer dorgegen Side B nöömt. Beide Brennhüüs hebbt bit 1984 parallel produzeert. Man, ofschoonst Side B 1974 ok moderniseert worrn is, is dat Huus denn doch dicht maakt un in’t Johr 19999 afreten worrn. 1985 weer de hele Brenneree en Tiet lang slaten. De Bedriev is 1992 wedder opnahmen worrn, man nu blots noch in dat ne’e Huus^[1]^[2].

Produkschoon

De Destille Teaninich höört to dat schottische Whiskyrebeet Highlands un betütt dat Water för de Produkschoon ut de Dairywell-Borns. In de Brenneree warrt vundaag dree wash stills un dree spirit stills bedreven mit en Hööchstkapazität vun de Produkschoon vun 2.680.000 Liter Alkohol in’t Johr^[1]. De Whisky ut de Brenneree warrt to’n gröttsten Deel för Blends verbruukt. So is de Teaninich to’n Bispeel een vun de Hööftbestanddeelen vun Johnnie Walker. De eerste Single Malt ut de Teaninich-Brenneree is eerst 1992 rutbröcht worrn^[1]^[2].