Teodocio Ochoa

Teodocio Ochoa (* 4. Januar 1926 in San Ignacio; † 1983) weer en Politiker ut Belize (NIP, UDP).

Ochoa is 1926 in San Ignacio boren un 1959 as Maat von de National Independence Party (NIP) in de Politik gahn.[1] He weer von 1959 bet 1965 Maat von’n Stadtraad von San Ignacio/Santa Elena un 1975 ok Börgermeester von de Stadt.[1] 1973 hett sik de NIP mit annere Partein to de United Democratic Party (UDP) tohoopdaan.

He weer von 1974 bet 1979 för de Oppositschoonspartei UDP Maat von’n Senaat von Belize.[1]

Bi de Parlamentswahl in Belize 1979 weer he Kannedaat för de UDP in’n Wahlkreis Cayo Süüd. He hett 43,2 % von de Stimmen kregen un kunn sik dormit nich gegen Sam Waight von de PUP dörsetten. Na düsse verloren Wahl hett he 1981 de Politik opgeven.[1]

EhrenÄnnern

In San Ignacio sünd de Teodocio Ochoa Street un de Teodocio Ochoa Park na em nöömt.

FootnotenÄnnern

  1. a b c d The New Belize. Government Information Service, 1983, Sied 103