Terran

En Terran is en Stück Eerdköst, dat in’n Vergliek to en Kontinent lüttjer is un sik von en Kontinentalplaat aflööst un dör Platentektonik ümlagert hett. Dorüm hett de Steen von en Terran faken en annere geoloogsche Geschicht as de Steen ümto. En Terran is ümgeven von geoloogsche Bröökzonen.

Terrans billt sik, wenn twee Kontinentaalplaten anenanner langsschrammt un en Stück von de een Plaat afbrickt un von de annere mitschaven warrt. Wenn dat Terran blots en Stück wiederschaven warrt un an de sülve Plaat blifft, denn warrt von en proximaal Terran snackt. Wenn dat Terran de Plaat ganz verlett un sik annerwegens anlagert, denn warrt von en exotisch Terran snackt.