The Hunt for Red October (Film)
The Hunt for Red October (op Platt so veel as „De Jagd op Root Oktober“; dt. Titel:Jagd auf Roter Oktober) is en Literaturverfilmen un den gliek nöömten Roman un Bestseller vun Tom Clancy. John McTiernan weer de Speelbaas vun den 1990 dreihten Film. De Inholt wickt an enige Steden bannig vun de Bookvörlaag af.
| Filmdaten | |
|---|---|
| Plattdüütsch Titel: | — |
| Originaltitel: | The Hunt for Red October |
| Düütsch Titel: | Jagd auf Roter Oktober |
| Produkschoonsland: | USA |
| Johr vun’t Rutkamen: | 1990 |
| Läng: | 129 Minuten |
| Originalspraak: | Engelsch, Russ’sch |
| Öllersfreegaav in Düütschland: | FSK 12 |
| Filmkru | |
| Speelbaas: | John McTiernan |
| Dreihbook: | Larry Ferguson Donald Stewart |
| Produkschoon: | Mace Neufeld, Larry DeWaay, Jerry Sherlock |
| Musik: | Basil Poledouris |
| Kamera: | Jan de Bont |
| Snitt: | Dennis Virkler, John Wright |
| Dorstellers | |
| |
Inholt
ännernDe Film speelt to de Tiet vun’n Kollen Krieg. De Sowjetunion kann wiel den Kollen Krieg de Proportschonen in’t Wettrüsten mit de USA to jemehrn Vördeel schuven. Dat Atom-U-Boot „Root Oktober“ – en fiktiven Ümbo vun de Typhoon-Klass, de dat würklich gifft – warrt mit en magnethydrodynaamschen Andriev utrüst, de nich to höörn un dör passiv Sonar so goot as nich mehr to optospören is. Dordör warrt de „Root Oktober“ to’n ideale Wapen för’n eersten Angreep. De Kaptein vun dat Schipp is de Litaue Marko Ramius. Sien Plaan is, noch wiel de Jumfernfohrt mit dat mit Atomwapen utrüste U-Boot un en poor inweihte Offizeren in de USA övertolopen.
Op de Jumfernfohrt warrt dat Schipp vun’t US-amerikaansche Jagd-U-Boot USS Dallas opspört un verfolgt. Man na’t Ümschalten op den luutlosen Andriev kann de Rode Oktober nich wieter oordt warrn. Ramius vertellt sien Offizeren, dat he sienen Plaan övertolopen, schriftlich an de Sowjet-Regeren mitdeelt hett, üm dat he en Torüchtehn hinnern will. De Sowjetunion maakt foorts ehr Flott klor un gifft Order, de Rode Oktober aftofangen un gifft gliektietig Wohrschau an de US-Regeren, dat Ramius vör hett, de USA antogriepen. Grote Delen vun de amerikaanschen Regeren glöövt an dissen Swinnel, man de CIA-Analyst Jack Ryan is dorvun övertüügt, dat de sowjetsche Kaptein wohrhaftig överlopen will. He versöcht, vun Boord vun de Dallas, de dat flüchtige U-Boot doch wedder op’t Sonar kregen hett, Kuntakt to Ramius optonehmen.
Mit Periskopen, Morsesignalen un Pings gifft Ramius Signal, dat Ryans Theorie richtig is un snackt en Steed af, woneem se sik drapen wüllt. As se dor ankamen sünd, wiest Ramius sien leidenden Ingenieur an, en Reakterunfall vörtotüüschen, üm dat de Mannschop vun Boord geiht. De US-amerikaansch Fregatt USS Reuben James kummt in de Neeg un deit so, as wenn se de Rode Oktober bescheten deit un nimmt de Mannschop an Boord. För de Seelüüd warrt op disse Wies de Illusion tüügt, dat dat U-Boot ünnergahn is.
In de glieke Tiet maakt sik Ryan mit Help vun en Deep Submergence Rescue Vehicle (DSRV) vun de Mystic-Klass mit annere amerikaansche Offizeren op’n Weg, üm mit Ramius to verhanneln. Jüst as se anfungen hebbt kummt en sowjetisch U-Boot dorto, dat de Rode Oktober verfolgt hett un nu anfangt, dat Boot antogriepen. Dör kloke Manövers vun de Dallas un vun de Root Oktober warrt de Verfolger aver dör sien egen Torpedo tonichten maakt. De in de Nootfallbööd sitten Mannschop warrt to de glieken Tiet vun de Fregatt opnahmen un glöövt, as dat ünner Water to de Explosion kummt, dat de Root Oktober vernicht worrn is.
Ryan un Ramius föhrt in’n Ansluss doran mit de „Root Oktober“ in den Penobscot River in Maine an de Oostküst vun de USA. Dor warrt dat U-Boot versteken, bit dat en egent Dock in de Laag is, dat Schipp optonehmen.
Kritiken
ännern- Lexikon vun’n internatschonalen Film: „Technisch aufwendig und eindrucksvoll inszenierter Film, dessen Kalte-Kriegs-Geschichte angesichts einer differenzierteren politischen Landschaft recht antiquiert erscheint.“
- Rhein-Zeitung: „Effektvoller Unterwasser-Spionage-Thriller.“
- VideoWoche: „Mit der Präzision eines Uhrwerks führt McTiernan seine Darsteller und baut dabei systematisch Spannung auf, die sich nach dem Schneeballprinzip multipliziert. Dabei kann er sich auf ein großartiges Ensemble verlassen, aus dem Sean Connery (‚Das Russland Haus‘) und Alec Baldwin (‚Miami Blues‘) hervorstechen. Trotz simpler Gut-Böse-Klischees die bisher perfekteste Ausgabe von McTiernans archaischem Actionkino, das sich alsbald auf die Jagd nach der Hitparadenspitze begeben wird.“
Utteken
ännernDe Film is mit dree Filmpriesen uttekent worrn un is för noch mol söss Priesen vörslahn wesen:
- 1991: mit den Oscar in de Kategorie Best Tooneffekt för Cecilia Hall un Georg Watters II.
- 1991: för’n Oscar nomineert in de Kategorie Best Snitt.
- 1991: för’n Oscar nomineert in de Kategorie Best Toon.
- 1991: mit den BMI Film Music Award för Basil Poledouris.
- 1991: mit den Golden Reel Award in de Kategorie Best Toonsnitt.
Literatur
ännern- Tom Clancy: The Hunt for Red October (op hoochdüütsch: Jagd auf Roter Oktober), Roman, Taschenbookutgaav vun Berkley Books; Oplaag vun 1990, ISBN 978-0006172765