The Proposal

The Proposal (op Platt so veel as „De Andrag“; dt. Titel: Selbst ist die Braut) is de Titel vun en US-amerikaanschen Kummedie-Film ut dat Johr 2009 vun de junge Speelbaas’sche Anne Fletcher. In de Hööftrullen spelen Sandra Bullock un Ryan Reynolds.

Filmdaten
Plattdüütsch Titel:	—
Originaltitel:	The Proposal
Düütsch Titel:	Selbst ist die Braut
Produkschoonsland:	USA
Johr vun’t Rutkamen:	2009
Läng:	107 Minuten
Originalspraak:	Engelsch
Öllersfreegaav in Düütschland:	FSK a.A.
Filmkru
Speelbaas:	Anne Fletcher
Dreihbook:	Peter Chiarelli
Produkschoon:	Todd Lieberman, David Hoberman
Musik:	Aaron Zigman
Kamera:	Oliver Stapleton
Snitt:	Priscilla Nedd-Friendly
Dorstellers
Sandra Bullock: Margaret Tate Ryan Reynolds: Andrew Paxton Mary Steenburgen: Grace Paxton Craig T. Nelson: Joe Paxton Betty White: Grootmudder Annie Denis O’Hare: Mr. Gilbertson Malin Akerman: Gertrude Oscar Nuñez: Ramone Aasif Mandvi: Bob Spaulding Michael Nouri: Verlegger Bergen Michael Mosley: Chuck Greg Edelman: Verlegger Malloy

Inholt

De Verlagslektorsche Margaret Tate arbeit mit veel Spood bi en Verlag in New York City un is as Baas en richtig Beest in’n Ümgang mit ehr Kollegen, över de se dat Seggen hett. Sünners ehr Assistent Andrew Paxton hett düchtig ünenr ehr to lieden. Man, Margaret kummt ut Kanada un kriggt nu en Problem, as ehr Visum aflopen deit. Ahn dat drauht ehr, dat se afshaven warrt un wedder torüch na Kanada mutt. In ehr Noot fallt ehr blots een Utweg in un se vertellt ehrn Baas, dat se ehrn Assistenten Andrew heiraten will. Dat dröpt em ahn Vörahnen un he sparrt sik natürlich dorgegen, man Margaret sett em ünner Druck, vun wegen dat se sien Loopbahn tonichten maakt, wenn he nich mittehn deit.

So eenfach is dat aver allens nich: Margaret hett kort vörher jüst en Mitarbeiter vör de Döör sett, de nu düchtig in de Brass is, un ehr bi de Innwannerbehöörd verraden deit. De tostännige Beamte mutt also dorvun utgahn, dat de beiden blots en Schieneh ingahn wüllt. He will jem enkelt över den annern utfragen, üm ruttofinnen wat se överhaupt vunenanner weet. He gifft jem de Raat, de Hochtiet aftoseggen, vun wegen dat Andrew anners blangen en hoge Geldstraaf för fief Johr in’t Gefängnis steken un Margaret utwiest warrt. Margaret lett sik aver dordör nich vun ehrn Plaan afbringen, vun wegen dat ehr gode Arbeitssteed op’t Speel steiht. Un se tütt ok Andrew mit, den se en Steed as Lektor in Utsicht stellt. Kort dorop fleegt se beid tosamen na Alaska, woneem de Grootmudder vun Andrew ehrn Geboortsdag fiert. Margaret kann for nich recht glöven, dat se den wieten Weg in’n achtersten Tippel vun’t Land mitmaken deit, man dor warrt se wies, dat de Öllern en regelrecht Riek vun Familienünnernehmen hebbt un düchtig Geld hebbt. Andrew stellt Margaret sien Familie vör, de sik teemlich freit över den Besöök.

In’t Öllernhuus vun Andrew kamt sik de beiden neger ahn dat wirklich to wullen. De Öllern harrn dat geern, dat de beiden in Alaska heiraat, wo de beiden eerst nix vun weten wüllt. Man liekers seggt se to. Wiel de Familie de Hochtiet vörbereiten deit, lehrt Margaret en ganz annere Oort to leven kennen un markt ok, dat se vun ehrn Assistentin Andrew an sik gor nix wüsst hett. Mit de Tiet fangt se an, sik in de Familie woll to föhlen. Man, de Beamte vun de Inwannerbehöörd is jem na Alaska nareist un warnt jem noch mol, de Hochtiet lever aftoseggen. He seggt jem sogor to, dat se keen Straaf kriegt, wenn se den Swinnel foorts togeevt. Aver Andrew lehnt dat Anbott af un de Hochtiet finnt, as dat plaant is, statt. Denn aver, as de Hochtietssellschop al bisamen is, gifft Margaret dat Speel op un gifft to, dat se dat plaant harr, üm ehr Steed bi’n Verlag to redden. Dormit will se Andrew vun sien Schuld freesnacken, vun wegen dat se em in de Twüschentiet so geern hett, dat se em de Gefahr vun’t Gefängnis nich mehr utsetten mag. Na de Bicht neiht se gau ut un flüggt torüch na New York. Andrew versöcht noch, ehr achteran to ielen, kriggt ehr aver an’n Flaaghaven nich mehr rechttietig to faten. Also reist he ehr na New York achteran, üm ehr to vertellen, dat he ehr nu wohrhaftig leef hett. Opletzt kamt se also doch noch tosamen un se laat de Fragen vun de Behöörd op sik tokamen.

Kritiken

Cinema: Als knallharte Geschäftsfrau mit weichem Kern zeigt Sandra Bullock eine der besten Leistungen ihrer Karriere. In einer mitreißenden Comedy voller Gags.

f5m.at: Mit The Proposal - Selbst ist die Braut gelingt Jung-Regisseurin Anne Fletcher eine überraschend charmante Romantik-Komödie mit Sandra Bullock und Ryan Reynolds in den Hauptrollen.

Utteken

De Film weer bit Novemer 2009 för söven Utteken vörslahn. Een dorvun hett he wunnen:

• 2009: den Teen Choice Award in de Kategorie Choice Summer Movie: Romance

Weblenken

• The Proposal in de Internet Movie Database (engelsch)
• offizielle Websteed to’n Film