Theodor Pieschel (Landraad)

Friedrich Julius Georg Theodor Pieschel (* 13. Juli 1877 in Eckartsberga; † 1960 in Minden) weer en düütschen Verwaltungsbeamten.

Pieschel is 1877 as Söhn von’n Politiker Theodor Pieschel un von Elisabeth Pieschel (borene Scheidt) in Eckartsberga boren. He hett Juristeree studeert un is 1906 Regerungsreferendar worrn. 1909 is he Regerungsassesser worrn un weer bi de Landraadsämter in de Kreise Wittmund, Oosterborg un Mühlhausen. 1916 is he Regerungsraad worrn un hett 1917 bi dat Landraadsamt von’n Kreis Herzberg arbeidt.

He is 1918 as Nafolger von Eduard Rudolf Johann Geiger Landraad in’n Kreis Leh worrn un dat bet 1932 bleven. 1932 is de Kreis Leh oplööst worrn.

To’n 1. Oktober 1932 is he kommissarsch Landraad von’n Kreis Neuhaldensleben worrn. In’n Dezember 1932 is he richtigen Landraad worrn, is dat aver blots bet to’n 15. Juli 1933 bleven. He is denn in einstweiligen Rohstand versett worrn.

He weer Maat von’n Provinziallanddag Hannover.

He hett an’n 3. März 1913 in Berlin Ida Josefine Elise Hoesch (* 27. März 1893) freet. De beiden hebbt tohoop den Söhn Kraft Friedrich Pieschel (* 1919) hatt.