Thomas Andrews (Wetenschoppler)
Thomas Andrews (* 19. Dezember 1813 in Belfast; † 26. November 1885 ok dor) weer en irischen Physiker un Chemiker.
Leven
ännernAndrews is in Belfast opwossen, woneem sien Vadder as Koopmann arbeiden de un sien Geld mit Linnen verdeent hett. Thomas Andrews güng 1928 na de University of Glasgow, woneem he ünner Professer Thomas Thomson Chemie studeert hett. Later is he na Dublin wesselt an’t Trinity College un an de University of Edinburgh, woneem he 1935 as en medizinschen Dokter sien Afsluss maakt hett. He güng denn wedder torüch na sien Heimat un praktizeer as Dokter. He geev bito aver ok Ünnerricht in Chemie an en akadeemsch Inrichten.
Teihn Johren later is he Vize-Präsident worrn an’t Queens’ College in Belfast, dat to nee’ grünnt worrn weer. Dor weer he denn ok Professer för Chemie. Beid Ämter hett he bekleedt bit 1879, as sien Gesundheit nich mehr so wull un em in den Rohstand dwung.
Wark
ännernHe hett bedüdend Arbeiden maakt op dat Rebeet Thermodynamik, de sik befaten deen mit dat Afgeven vun Warms bi cheemsch Reakschonen un bi Vörgäng, wobi wat verbrennen deit. Un ok över dat Ozon hett he wat publizeert. En sünners bedüdend Opdecken weer 1861, as he faststellt hett, dat Gasen sik bi hoge Temperaturen irgendwann nich mehr dör Druck in Fletigkeiten ümwannelt laat. Dormit hett he as eersten den kritischen Punkt, as dat vundaag in’t Phasendiagramm heet, nawiest. Vör allen mit disse Arbeit is he opletzt beropen worrn.
Sien wetenschopplich Arbeiden sünd eerst 1889, also veer Johren na sien Dood, in sammelte Form publizeert worrn – tohopen mit en Andenekn an em vun Professers, mit de he tosamen arbeidt harr.
Utteken
ännernBekannt worrn is Andrews toeerst dör sien Utforschen vun de cheemschen Reakschonen. Dorför is he 1844 vun de Royal Society of London mit de Royal Medal ehrt worrn.