Thora Thyselius

Thora Thyselius (* 19. Juni 1911 in Braak; † 8. März 1991 ok dor) weer en plattdüütsche Schrieversche.

Thyselius is 1911 as Dochter von en Reeder ut Sweden in Braak boren. De Moder weer ut Oostfreesland. Thyselius is in Braak un in Sweden an’n Mälarsee opwussen. Se weer in Braak op dat Lyzeum un op de Oberrealschool. Dor hett se 1931 dat Abitur maakt. Se hett Edo Behrens freet, de Schoolmeester an en Volksschool weer, aver al 1944 as Soldaat in Russland vermisst gahn is. Von 1945 af an weer Thyselius fre’e Schrieversche.

Se hett 1965 den Fritz-Reuter-Pries wunnen.

Warken

• Heink Stüür. Speel in 3 Törns un in 1 Bild. [1949]
• Deerns ower veertig! Plattdeutsches Lustspiel in 3 Aufzügen und 1 Bild für Theater und Freilichtbühne. [1950]
• Möhl up de Höcht... Heiteres Heimatspiel; 3 Aufzüge, 1 Bild. [1950]
• Dude und Gerold. Historienspiel. [1954]
• Scharpe Eck. Schwankhafte Komödie oder komödienhafter Schwank, all na dem. 1955
• Tant van’t Siel. 1962
• Dat Sunnenhuus. 1965
• Daudruppen. 1975
• De gode Partie. lustiger Einakter. 1983
• Twee von de Venus. Höögspeel in dree Törns. 1985

Kiek ook bi

• List vun plattdüütschen Schrieverschen

Weblenken

• Thora Thyselius in de Datenbank Die niederdeutsche Literatur (hoogdüütsch)