Todd James Eldredge (* 28. August 1971 in Chatham, Massachusetts) is en ehmalger US-amerikaansch Ieskunstlöper, de in’t Eenzel antreeden dee.

Loopbahn ännern

1988 wurr Eldredge all Juniorenweltmeester. Söss Mal hett he bi US-amerikaansch Meesterschapen wunnen, dat eerste Mal 1990. Een Johr later reck he bi de Weltmeesterschapen eerstmals en Medaille. He wunn dorbi Bronze achter Kurt Browning un Wiktor Petrenko. Bi sien eerst Olympisch Spelen keem he 1992 up den teihnten Platz. 1995 wurr he Viez-Weltmeester achter Elvis Stojko. Een Johr later, bi de Weltmeesterschap in dat kanaadsch Edmonton wunn he den Weltmeestertitel, wat ok sien gröttste Erfolg weer. 1997 un 1998 wurr he weer Viez-Weltmeester achter Elvis Stojko bzw. achter Alexei Jagudin. Bi de Olympisch Spelen 1998 in Nagano keem he up den veerten Platz.

Dornah hett he twee Johr lang kien Wettkamp bestreeden, kehr aber 2001 torüch un wunn bi de Weltmeesterschapen sien letzte Bronzemedaille achter Jewgeni Pljuschtschenko un Alexei Jagudin. Ok bi de Olympisch Winterspelen 2002 is weer antreeden un keem dor up den 6. Platz. Dormit weer sien Amateurloopbahn afslooten un he is denn noch mit Stars on Ice up Tournee gahn.

2005 hett he Megan McCrea in St. Petersburg, Florida, heiraadt. De Ehe besteiht aber woll blots noch up Papeer, as he dat in en Interview an’n 1. März 2009 seggt hett.

Weblinks ännern

Todd Eldredge in de Datenbank van Sportsreference.com (engelsch)