Tom Whittaker (Bargstieger)

Tom Whittaker (* 9. Juni 1948 in Wales as Thomas Granville Whittaker) is en britisch-US-amerikaansch Bargstieger. He weer de eerste footamputeert Minsch up den Mount Everest.

Tom Whittaker, 2012

Leven

De Söhn vun en walisischen Offizier truck 1976 in de USA un weer all as Bargstieger aktiv, bevör he bi 1979 bi en Autounfall sien rechter Foot verlor. Nahdem he de dorup folgen Depressionen överwunnen harr, fung he mit dat Kajakfohren an un hett sück ok weer mit dat Klautern bafaat. 1981 hett he in Pocatello (Idaho) de Cooperative Wilderness Handicapped Outdoor Group (C.W.HOG) grünnd, um Behinnerte för den Natuursport to begeistern. As intüschen in de inbörgert US-Amerikaner (1986) ünnernehm he 1989 un 1995 den Versöök, den Mount Everest to bestiegen, wat he denn in’ darten Anloop an’ 27. Mai 1998 schafft hett.

Över sien Leistung informeert de Dokumentarfilm Footprint on Everest un sien Book Higher purpose (düütsch: Hoch hinaus). In’ November 2006 wurr he Member of the Order of the British Empire. Whittaker hett twee Master-Afslüsse an de Idaho State University maakt un arbeit as Motivatschonstrainer.

Whittaker un sien Fru Cindy hemm twee Döchter.

Literatur

• Tom Whittaker mit Johnny Dodd; Bernd Rullkötter (Översetter): Hoch hinaus. Wie ich ein Bein verlor und doch die höchsten Gipfel der Erde bezwang. Lübbe, Bergisch Gladbach 2001, ISBN 3-7857-2074-2; Taschenbookutgaav 2003, ISBN 3-404-61534-4 (engelsch Original: Higher purpose)

Weblenken

Tom Whittaker. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun Tom Whittaker
• Bill Carter: TV Notes; Top of the World, nytimes.com, 3. Juni 1998
• Tom Whittaker mit Johnny Dodd: Hoch hinaus - Wie ich ein Bein verlor und doch die höchsten Gipfel der Erde bezwang Bookvörbestellung up gipfelstuermerin.de
• Tom Whittaker. Former Outdoor Program Staff Member and Founder of C.W. HOG, isu.edu