Tugela-Waterfall
De Tugela-Waterfall in Süüdafrika is na den Angel-Waterfall de tweethööchste Waterfall op de Eer. De Kumpletthööch in fief Streken, de free fallt, is 947 Meter. In’n Dörsnitt fallt so üm un bi een Kubikmeter Water jede Sekunn den Afhang dal. De Waterfall liggt in de Drakensbargen in’n Royal-Natal-Natschonalpark in de Provinz KwaZulu-Natal. De Born vun’n Stroom Tugela, de den Waterfall dalstört, liggt bi’n Barg Mont-Aux-Sources.
