Unifeeder

Unifeeder is en Tobringer-Unnernehmen för Containers un sitt in dat däänsche Århus. Dor hannelt sik um dat grottste Transportunnernehmen vun siene Aart in Noordeuropa bi.

Unifeeder-Schipp Sirrah an dat Containerterminal in Bremerhaben

De Bedriev

De Unifeeder A/S is 1977 as en Agentur för Seefohrt un Linienfohrt upmaakt wurrn. Se befaat sik mit Deenste, as Transport, Speditschoon, Schippsmakleree un Containerleasing. An'n meisten is dat Unnernehmen togange mit den Unifeeder-Containerfeederdeenst. He hett mit meist 40 Feederscheepe, de all chartert sund, dat grottste Tobringer-Nett in den Kortstrecken-Verkehr för Containers. Bovento kann een bi Unifeeder ok den Döör-to-Döör-Deenst bestellen, wo de ganze Transport (vun Döör to Döör) in overnahmen warrt. Dat Unnernehmen hett sien Sitt in Arhus. Dor sund um un bi 80 Mitarbeiders togange. Alltohopen arbeit' bi de Firma bi 300 Lüde in tein Kontore un in acht Länner. 2009 hett de Unifeeder knapp 256 Millionen Euro innahmen.

Weblenken

• Homepage vun dat Unnernehmen (engelsch)