UNESCO

Disse Artikel is man blots en Stubben. Du kannst Wikipedia helpen un em verbetern.

De Organisatschoon van de Vereente Natschoonen för Bildung, Wetenschop, Kultur un Kommunikatschoon (engelsch: United Nations Educational, Scientific and Cultural Organisation, UNESCO; franzöösch Organisation des Nations unies pour l’éducation, la science et la culture) is een internatschoonal Organisatschoon un ok een van 16 sülvständig UN-Sünnerorganisatschoonen. Se hett ehr Seet in Paris. To Tiet sünd 191 Staaten in de UNESCO vertreden.

Symbol vun de UNESCO

Upgaav

To de Upgaavrebeeten van de UNESCO höört dat Fördern van Bildung, Wetenschop, Kommunikatschoon, Informatschoon un Kultur. Se hett en eegen Verfaten, de an 16. November 1945 von 37 Staaten in London verafscheed wurrn is un an 4. November 1946 nah dat Ratifizeern in 20 Staaten in Kraft treden is. Eerst Generaldirektor weer Julian Huxley.

Weltarv

Een van de Upgaben van de UNESCO is dat Verwalten van dat Weltkulturarv van de Minschheet, wat dör dat Weltarv-Komitee dörföhrt wurrd.

Historie

An 11. Juli 1951 is Düütschland Lidmaat van de UNESCO wurrn un in November 1972 ok de domalige DDR.

Generaldirektoren van de UNESCO

1. Julian Huxley, Grootbritannien (1946–1948)
2. Jaime Torres Bodet, Mexiko (1948–1952)
3. John Wilkinson Taylor, USA (amteerend 1952–1953)
4. Luther Evans, USA (1953–1958)
5. Vittorino Veronese, Italien (1958–1961)
6. René Maheu, Frankriek (1961–1974; amtierend 1962)
7. Amadou-Mahtar M’Bow, Senegal (1974–1987)
8. Federico Mayor Zaragoza, Spanien (1987–1999)
9. Koïchiro Matsuura, Japan (1999-2009)
10. Irina Bokova, Bulgarien (2009-2017)
11. Audrey Azoulay, Frankriek (2017–hüdtodag)

Weblenken

• Internatschonale Websteed vun de UNESCO
• Dat Weltarvkomitee (engelsch, franzöösch)
• Dat Weltdokumentenarvkomitee (engelsch, franzöösch)
• UNESCO Düütschland (hoochdüütsch)