Upper Moutere

Upper Moutere is en lütt Oort in’n Distrikt Tasman op de Süüdinsel von Neeseeland.

Luthersche St.-Pauls-Kark 2007

De Oort liggt bi söven Kilometer von de Tasman-Bucht af un 25 Kilometer von Nelson weg.

De Oort is över Straten mit Lower Moutere un Motueka in’n Noorden verbunnen, mit Mahana in’n Oosten, mit Redwood Valley in’n Süüdoosten un mit Dovedale un Woodstock in’n Westen. De Straat 60 löppt in’n Oosten an Upper Moutere langs.

De Oort is 1850 von Lüüd ut dat Dörp Ranzau un welk, de vörher den Oort Sankt Paulidorf opgeven harrn, grünnt worrn. Se hebbt em Sarau nöömt, na dat Dörp Sarau in Sleswig-Holsteen. De St.-Pauls-Kark is 1865 boot worrn. Dat hüdige Karkenhuus is von 1905.

De eerste School is 1857 boot worrn un dat hüdige Schoolhuus 1929.

1917 in’n Eersten Weltkrieg, as Neeseeland an de Sied von Grootbritannien Kriegsgegner von Düütschland weer un Teken von düütsche Kultur nich good leden weren, hebbt se Sarau den ne’en Naam Upper Moutere geven.