Ursula Helen Barrow
Ursula Helen Barrow (* 31. Oktober 1955) is en Diplomatin ut Belize.
Barrow is 1955 as Dochter von Rita Helen un den Avkaat Raymond Hugh Barrow in Belize-Stadt boren.[1] Se hett an dat Newnham College von de Universität Cambridge studeert.[1] Barrow hett en Master of Laws maakt un is PhD worrn.
Na dat Studium weer se 1978 Economic Development Planner in de Planning Unit von de Regeren von Belize un denn von 1979 bet 1985 Berader för Lüttje Geschäften, Stadtplanung un Marketing bi Frazier Associates.[1]
Barrow weer 1988 bet 1989 Viez-Hoochkommissarin von Belize in Grootbritannien, 1989 för korte Tied Stännigen Vertreder von Belize bi de Vereenten Natschonen in New York un denn 1991 bet 1993 Assistant Director bi dat Commonwealth-Sekretariat. Von 1993 bet 1998 weer se Hoochkommissar von de Hoge Kommission von Belize in London (vergliekbor mit en Baadschopper).
Se hett 1994 John Anderson, 3. Viscount Waverley freet.[1]