Vagelspinnendeerter
Vagelspinnendeerter (Mygalomorphae) sünd en Unnerornen vun de Spinnen. Se weert to de Weevspinnen mit torekent. Vörmols sünd se ok „Orthognatha“ nömmt wurrn. In de Umgangspraken weert hen un wenn all Vagelspinnendeerter kortweg „Vagelspinnen“ nömmt, man denn könnt se dör’nanner brocht weern mit de systemaatsche Familie vun de Vagelspinnen (Theraphosidae). To de Vagelspinnendeerter höört 16 Familien un 336 Geslechter mit alltohopen 2.870 Aarden mit to (Stand: Februar 2016).
| Vagelspinnendeerter | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Systematik | ||||||||||||||||||||||
| ||||||||||||||||||||||
| Wetenschoplich Naam | ||||||||||||||||||||||
| Mygalomorphae | ||||||||||||||||||||||
| Pocock, 1892 |
Kennteken
ännernDe Deerter sünd man wat groot un leevt sunnerlich in warm Klima. De Mundwarktüüch (Keevklauen) arbeit meist parallel to’nanner (orthognath) un nich as Tangen gegen’nanner (labidognath). De Ogen liggt tomeist dicht bi’nanner up en lüttjen Gnubbel up den Ruggenpanzer. As all Spinnen hefft se en Butenskelett, wat dat Lief tohopenhollt un afstütt.
De Hüften vun de Pedipalpen (in Föhlspriete ummuddelt Beenpaar bi de Spinnen) laat as de Hüften bi de Been. Bloß bi de Atypidae nich. Se hefft to’n groten Deel twee Paar Tracheen, dorto veer, hen un wenn ok dree, Paar Ostien un twee Paar Coxaldrüsen.
-
De Keevklauen vun en Rode Chile-Vagelspinne (Grammostola rosea) wiest na vörn -
De Keevklauen vun den Ammen-Doornfinger (Cheiracanthium punctorium) wiest na binnen (labidognath).
Bi de Vagelspinnendeerter weert Heken un Seken normolerwiese veel öller, as bi de Echten Weevspinnen. Jummers könnt de Seken düütlich öller weern, as de Heken. Seken vun Brachypelma smithi könnt in Minschenhand bit hen to 25 Johre oold weern, Seken vun en Reeg vun Atypus-Aarden ok doch bit to 10 Johre. Ok dat warrt as Kennteken for de Ollerhaftigkeit vun düsse Spinnen ankeken.[1]
Aarden, de liek so groot weert, as de Vagelspinnendeerter, finnt sik bi de Echten Weevspinnen bi düsse Familien:
Ütere Systematik
ännern- Weevspinnen (Araneae)
- Opisthothelae
- Vagelspinnendeerter (Mygalomorphae)
- Echte Weevspinnen (Araneomorphae)
- Liddspinnen (Mesothelae)
- Opisthothelae
Binnere Systematik
ännernHier is up’e Reege brocht, wecke Aarden dat mank de Vagelspinnendeerter gifft. Dor geiht dat bi na den World Spider Catalog (Stand: Februar 2016).
- Microstigmatidae – 7 Geslechter, 16 Aarden
- Mecicobothriidae – 4 Geslechter, 9 Aarden
- Hexathelidae – 12 Geslechter, 113 Aarden
- Dipluridae – 24 Geslechter, 188 Aarden
- Brune Lukenspinnen (Nemesiidae) – 45 Geslechter, 393 Aarden
- Barychelidae – 42 Geslechter, 295 Aarden
- Paratropididae – 4 Geslechter, 11 Aarden
- Vagelspinnen (Theraphosidae) – 131 Geslechter, 986 Aarden
- Antrodiaetidae – 2 Geslechter, 35 Aarden
- Tapzierspinnen (Atypidae) – 3 Geslechter, 51 Aarden
- Cyrtaucheniidae – 11 Geslechter, 107 Aarden
- Idiopidae – 22 Geslechter, 323 Aarden
- Lukenspinnen an sik (Ctenizidae) – 9 Geslechter, 130 Aarden
- Actinopodidae – 3 Geslechter, 47 Aarden
- Migidae – 10 Geslechter, 91 Aarden
Literatur
ännern- Coddington, J. A. and H. W. Levi. 1991. Systematics and evolution of spiders (Araneae). Annual Review of Ecology and Systematics 22:565–592.
- Miller, J. A. and F. A. Coyle. 1996. Cladistic analysis of the Atypoides plus Antrodiaetus lineage of mygalomorph spiders (Araneae, Antrodiaetidae). Journal of Arachnology 24:201–213.
- Hans Ekkehard Gruner (Rutg.), M. Moritz, W. Dunger; 1993; Lehrbuch der speziellen Zoologie, Band I: Wirbellose Tiere, 4. Teil: Arthropoda (Ohne Insekta)
Belege
ännern- ↑ Marcus Schmitt: Wo die wilden Kerle wohnen: Vogelspinnenverwandtschaft (Atypus affinis, Araneae) im Ruthertal zwischen Werden und Kettwig (Essen)., Elektronische Aufsätze der Biologischen Station Westliches Ruhrgebiet 12 (2008): 1-9; S. 3. (PDF; 680 KB)
Weblenken
ännern
Vagelspinnendeerter. Mehr Biller, Videos oder Audiodateien to’t Thema gifft dat bi Wikimedia Commons.