Valerie Woods is en Politikerin ut Belize (PUP).

Woods hett en Bachelor of Science in Business Administration an dat Le Moyne College in Syracuse maakt un en Master of Arts in Tourism Administration an de George Washington University in Washington D.C.[1]

Se weer Director of Tourism bi dat Belize Tourism Board un von’n 1. Dezember 1999 af an Manager bi’n Protected Areas Conservation Trust (PACT).[2]

Woods weer von März 2016 bet August 2019 för de Oppositschoonspartei PUP Maat von’n Senaat von Belize.[3] Se müss ehr Amt afgeven, nadem se bi de Fraag, wat de Grenzkunflikt twüschen Belize un Guatemala vör’n Internatschonalen Gerichtshoff kläärt warrn schall, nich na de Parteilien afstimmt harr. Aflööst hett ehr Isabel Bennett.

Se arbeidt as Country Manager för Belize för dat Ünnernehmen Chukka Tours.[1]

Se is verheiraadt mit Godfrey Smith un warrt dorüm ok fakener Valerie Woods-Smith nöömt.

Footnoten ännern

  1. a b FCD’s Board of Directors welcome Valerie Woods and Tanya Santos, Breaking Belize News an’n 1. Dezember 2019
  2. Valerie Woods-Smith joins PACT, San Pedro Sun an’n 9. Dezember 1999
  3. New PUP senators to be installed in time for budget debate, Amandala an’n 5. März 2016