Hauptmenü öffnen

De Veertall (oder ok Quadral) is en temlich roren Fall bi de Antall in de Grammatik. De Veertall is en grammatische Form, de bruukt warrt, wenn dat üm nipp un nau veer Lüüd oder Saken geiht. Se kummt blot in en ganz poor Spraken överhaupt vör, all de annern Spraken bruukt för veer Saken eenfach de Mehrtall (oder wenn dat een gifft, ok de Welktall). Formen vun de Veertall sünd bekannt in de Spraken Sursurunga un Marschallsch, de all beid to de Ozeaanschen Spraken höört, aver nich direkt mitenanner verwandt sünd. De Veertall is dor ok keen kumpletten Numerus mit Formen för Verben un Hauptwöör, se kummt vör allen bi de Pronomen för. Faken geiht de Veertall ok al in de Welktall över. In dat Marschallsche warrt de Veertall bitieden ok bruukt, wenn een vun mehr as veer Lüüd snackt, aver de Intimität vun en lütte Grupp wohrt warrn schall.