Vicente Enrique y Tarancón
Vicente Kardinal Enrique y Tarancón (* 14. Mai 1907 in Burriana, Spanien; † 28. November 1994 in Valencia) weer Arzbischop vun Toledo un Madrid.
Leven
ännernEnrique wurr nah philosophischen un theologischen Studienjohren in Tortosa un Valencia an‘n 1. November 1929 to’n Preester weeht. In de Johren 1929 bit 1933 as ok 1938 bit 1946 hett he as Gemeendseelsörger in dat Bisdom Tortosa arbeit. Tüschen 1933 un 1938 wark he as Seelsörger för de Kathoolsch Aktschoon in dat Arzbidom Madrid.
An‘n 25. November 1945 hett hüm Paapst Pius XII. to’n Bischop vun Solsona nömmt. De Bischopsweehn kreeg he an’n 24. März 1946 vun den Bischop vun Tortosa, Manuel Moll y Salord; Mitkonsekratoren weern de Weehbischop un latere Arzbischip vun Madrid, Casimiro Morcillo González, un Weehbischop Juan Hervás y Benet ut Valencia.
Enrique nehm in de Johren 1962 bit 1965 aan dat Tweet Vatikaansch Konzil deel. An’n 12. April 1964 hett hüm Paapst Paul VI. to’n Arzbischop van Oviedo, an‘n 30. Januar 1969 to’n Arzbischio van Toledo nömmt. In dat Konsistorium an‘n 28. April van dat sülvig Johr hett he hüm as Kardinalpreester mit de Titelkark San Giovanni Crisostomo in dat Kardinalskollegium upnommen. An’n 3. Dezember 1971 wurr Kardinal Enrique denn Arzbischop van Madrid. 1978 nehm he as wahlberechtigt Kardinal an dat August-Konklave deel, dat Johannes Paul I. wählen dee, as ok twee Maand later an dat Oktober-Konklave, dat Johannes Paul II. wählen dee. He weer van 1971 bit 1981 Vörsitter van de Spaansch Bischopskonferenz.
Johannes Paul II. hett an’n 12. April 1983 sien öllersbedingten Rückträegesöök annomme. An’n 4. Oktober 1994 kreeg he de Ehrendokterwürde dör de Polytechnische Universität Valencia. Kört Tiet dornah, an’n 28. November 1994, is he in Valencia storven un wurr in Madrid bisett.
Literatur
ännern- Ceferino de Blas: El cardenal que coronó al Rey. Pablo VI eligió a Tarancón para separar a la Iglesia del Franquismo. Editorial Prensa Ibérica, Barcelona 1995, ISBN 84-87657-92-3.
- José Luis Martín Descalzo: Tarancón, el cardenal del cambio. Editorial Planeta, Barcelona 1982, ISBN 84-320-3625-0.