Vidal Sassoon

Vidal Sassoon CBE (* 17. Januar 1928 in London; † 9. Mai 2012 in Los Angeles, Kalifornien) weer en britisch Friseur un Ünnernehmer. In de 1960er Johren wurr he för dat Entwickeln vun den „geometrischen Stil“ weltbekannt.

Vidal Sassoon, 2006

He stamm ut arm Verhältnissen in den Londoner East End, entwickel sück aber in dat London vun de 1950er un 1960er Johren to een vun de an' meesten anseggt Friseure. De Bekanntschap mit de as Utfinnerin vun den Minirock gellend Modedesignerin Mary Quant hett hüm en Kundenkrink vun Models, Schauspelerinnen un de High Society upslooten. Later hett he en Reeg vun Hoorsalons in dat Vereente Könikriek un den USA ünner den Naam Vidal Sassoon apen maakt un hett spoodriek en nah hüm nömmt Hoorpleegserie up den Markt brocht.

In sien Jöögd nehm Sassoon, de ut en old sephardischen Familie stammt, up israeelsch Siet an' Eersten Araabsch-Israeelschen Krieg (1948) deel. In latere Johren hett he mehrere Stiften un 1982 dat Vidal Sassoon International Centre for the Study of Antisemitism an de Hebräisch Universität Jerusalem grünnd.

2009 wurr Sassoon to'n Commander of the British Empire nömmt. He hett toletzt in Kalifornien leevt.

Memoiren

• 2010: Vidal. The Autobiography, Verlag Macmillan, London 2010 ISBN 978-0-230-74689-3

Weblenken

Vidal Sassoon. Mehr Biller, Videos oder Audiodateien to’t Thema gifft dat bi Wikimedia Commons.

• Vidal Sassoon in de Internet Movie Database (engelsch)
• DNB-Katalog
• Vidal Sassoon (engelsch)
• Kört Essay över de Jöögd un fröhe Londoner Karriere vun Sassoon (engelsch)
• Vidal Sassoon International Centre for the Study of Antisemitism