Vijöölken
Dat Vijöölken (Viola odorata) höört to de Familie vun de Violenplanten (Violaceae). An un for sik is dat in de Länner rund um de Middellannsche See bit hen na den Kaukasus un Kurdistan tohuse, man in grote Deele vun Europa is dat midderwielen inbörgert. In'n Goorn warrt dat al vun de Antike af an anplant, vunwegen datt dat in de Religion un ok in de Medizin en Rull speelt hett. In Middeleuropa warrt dat tominnst vun dat fröhe Middeloller af an as Tier- un Heelplant anboot. Dat Vijöölken höört mit to de Öllernplanten vun de Grootmudderblome.
| Vijöölken, Viölken, Viool Blage Öschen, Blaag Ööschen | ||||||
|---|---|---|---|---|---|---|
 | ||||||
| Systematik | ||||||
| ||||||
| Wetenschoplich Naam | ||||||
| Viola odorata | ||||||
| Carl von Linné |
Wie dat Vijöölken utsehn deit
ännernSunnerlich vunwegen sien söten Duft is dat Vijöölken bekannt. Dor hannelt sik dat um ene mehrjöhrige Kruutplant bi, de Wuddelstöcke (Rhizome) utbillen deit. De Plant warrt 5 bit 10 cm hooch. De grasgrönen Blöer hefft de Form vun Eier oder Harten un staht in en Rosett. An'n Rand sünd se en beten inkarvt. In'n dat fröhe Vörjohr geiht dat al los un dat bleiht de lüttjen, vigeletten Blöten. Dor sünd de Vijöölken mank de eersten Blomen mit bi, de in dat Vörjohr bleiht.
Dat Vijöölken mag geern in't Licht oder in'n Halfschadden stahn un wasst ok goot unner summergröne Strüker oder unner Rosen, wenn de nich to dicht staht. Utbreden deit sik dat Vijöölken dör Utlöper. So kann dat sik mit de Tied bilüttjen utbreden, wenn man dat nich stören deit un wassen lett. De Früchte weert ok vun Iemecken verdeelt. So kann dat Vijöölken, wenn dat eenmol anplant is in'n Goorn, sik allerwegens hen utbreden.
Annere plattdüütsche Naams för de Plant
ännernKiek ok bi
ännernWeblenken
ännern
Vijöölken (Viola odorata). Mehr Biller, Videos oder Audiodateien to’t Thema gifft dat bi Wikimedia Commons.