Walther Heintzmann
Walther Heintzmann (* 27. Juli 1939 in Stargard[1]) is en düütschen Jurist.
Heintzmann is 1939 in Stargard boren un hett Juristeree studeert. 1968 is he Proberichter worrn.[1] 1971 hett he an de Universität Köln sien Dr. jur. maakt un weer en Tied lang Richter an dat Landgericht Lümborg.[1] He is 1973 wetenschoplichen Mitarbeider bi’n Bundsgerichtshoff in Karlsruhe worrn un 1975 Richter an dat Oberlandsgericht Celle.[1] He weer von 1983 bet 1986 Vizpräsident von dat Landgericht Lümborg un von’n 5. März 1986 bet to sien Rohstand 2004 Präsident.[1]
Blangenbi weer he siet 1983 Lehrbeopdragten an de Universität Hannover, siet 1998 ok Honorarperfessor an de Universität Hannover un Lehrbeopdragten an de Verwaltungs- un Weertschopsakademien in Lümborg, Swerin un Waren.[1]