Landgericht Lümborg

Dat Landgericht Lümborg is en Gericht von de Ordentliche Gerichtsborkeit, dat in Lümborg sitt. Dat is een von de ölven Landgerichten in Neddersassen.

Gerichtsgebüüd
Portal

GerichtsbezirkÄnnern

To’n Gerichtsbezirk höört de Landkreise Celle, Horborg, Lüchow-Dannenbarg, Lümborg, Heidkreis un Ülzen. Dor leevt meist 900.000 Lüüd.

Ünner dat Landgericht Lümborg staht de Amtsgerichten Celle, Dannenbarg, Lümborg, Soltau, Ülzen un Winsen. Över dat Gericht staht dat Oberlandsgericht Celle un de Bundsgerichtshoff in Karlsruhe.

OrganisationÄnnern

Präsident von dat Gericht is Ulrich Skwirblies. Dat Gericht hett 148 Mitarbeiders, von de 41 Richters sünd. Dat gifft 13 Straaf- un ölven Zivilkamern (Stand 2008).

Präsidenten:

Viezpräsidenten:

  • 2007–30. November 2013: Ulrich Skwirblies

GebüüdÄnnern

Dat Gericht hett sien Seet in Lümborg un is siet 1925 in dat fröhere Lümbörger Slott ünnerbröcht, en massigen Barockbo, de 1696–1698 boot worrn is. Dat Slott is an de Noordsied von’n Marktplatz in Lümborg. Dat Gebüüd is von’n Architekt Borchmann boot worrn, de dor dree Gebüüd, de al ut dat Middelöller sünd, mit inbetagen hett. Dat hett de Celler Hertog Georg Willem in Opdrag geven. De Fassaad na’n Marktplatz hen wiest en symmetrischen Bo mit dree Etaaschen, bi den de ünnerste Etaasch wat höger liggt (över en Souterrain-Etaasch) mit en prächtig zentral Portal, na dat en Trepp ropgeiht.

WeblenkenÄnnern

  Landgericht Lümborg. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 15′ N, 10° 24′ O