Wat Recht is, mutt Recht bliewen

Filmdaten
Originaltitel: Wat Recht is, mutt Recht bliewen
Produkschoonsland: Düütschland
Johr vun’t Rutkamen: 1982
Läng: 77:57 Minuten
Originalspraak: Hoochdüütsch/Plattdüütsch
Filmkru
Speelbaas: Volker Vogeler
Dreihbook: Elke Loewe
Produkschoon: Jürgen Böttcher
Kamera: Günther Wulff
Snitt: Birgit Levin
Dorstellers
Nikolaus Schnoor: Uwe Dallmeier
Peter Burmester: Harry Oelrichs
Rufus Beller: Helmut Block
Jakob Mühlensiepen: William Denker
Johannes Hansen: Friedrich Wichers
Gustav Simoneit: Werner Eichhorn
Elli Simoneit: Käte Jaenicke
Kasmin: Eren Gündogdu
Lutz Märker: Wolfgang Forester
Wolf Lehmann: Manfred Günther
Fritz Lehmann: Uwe Ochsenknecht

Wat Recht is, mutt Recht bliewen is de 136. Feernsehfilm ut de Reeg Tatort, de bi de ARD löppt. Produzeert hett em de NDR. De Film is in’n September un Oktober 1981 in de Ümgegend von Cuxhoben (Haven von Olenbrook un Gasthuus Zur Schleuse, Cuxhoben un Neehuus) dreiht worrn un an’n 2. Mai 1982 toeerst in de ARD lopen. De Film is bekannt as de eenzigste Deel von de ans meist hoochdüütsche Reeg in de in Delen blot Plattdüütsch snackt worrn is (mit Ünnertitels för de hoochdüütschen Tokiekers). De Film harr bi’t eerste Utstrahlen en Inschaltquoot von 14,39 Millionen, wat en Andeel von 41 % weer.

De Vörlaag keem von Boy Lornsen, ut de Elke Loewe denn dat Dreihbook maakt hett. Speelbaas weer Volker Vogeler.

De Geschicht speelt in’t Dörp Kathariensiel in Dithmarschen an de Waterkant. Op en Boot in’n Haben warrt een Morgen en Doden funnen, en Hambörger op sien Wekenenn-Segler. Kommissar Nikolaus Schnoor schall den Fall opklären. De veer olen Schippers Peter Burmeester, Rufus Beller, Jakob Mühlensiepen un Johannes Hansen sitt Dag för Dag op jemehr Bank an’n Haven un weet villicht mehr. Aver so recht is ut jem nix ruttokriegen.