Werner Liebrich

Werner Liebrich (* 18. Januar 1927 in Kaiserslautern; † 20. März 1995 ok dor) weer en düütsch Footballspeler un Footballtrainer. He hörr to de Mannschap vun den Football-Weltmeester 1954.

Loopbahn

Sien Heimatvereen weer de 1. FC Kaiserslautern, för de he af 1938 as Jöögdspeler aktiv weer.^[1] 1951 un 1953 wurr he mit sien Vereen Düütsch Meester.

He speel as Mittellöper van 1951 bit 1956 16 Mal för de Düütsch Football-Natschonalmannschap. Neben Fritz un Ottmar Walter, Werner Kohlmeyer un Horst Eckel weer Liebrich een vun de fiev Speler vun den 1. FCK, de 1954 dat Wunner vun Bern schafft hemm un mit de Düütsch Football-Natschonalmannschap 1954 Football-Weltmeester wurrn.

Van Februar 1965 bit Saisonenn' 1964/65 traineer he as Interimstrainer den 1. FC Kaiserslautern un belegg mit den Vereen in de Football-Bundsliga den 13. Tabellenplatz. 1971 övernehm he de Trainingsleitung bi de FCK-Amateure. Sien Bröer Ernst speel ebenfalls bi den FCK.

Levensenn'

Later hett he en Toto-Lotto-Annahmestäe in de Eisenbahnstraße in Kaiserslautern apen maakt.^[1] Liebrich, de „Fohrer“ oder „de Roode“ (pälzisch: „de Rod“) ropen wurrn, is an' 20. März 1995 nah en Hartoperatschoon storven.^[2] Teihn Johr nah sien Dood wurr nah hüm en Straat in dat FCK-Nahwusszentrum up den Fröhnerhoff nömmt.^[2]

Sonstiges

In den Speelfilm Das Wunder von Bern wurrd Liebrich vun Andreas Bath dorstellt^[3].

Weblenken

Werner Liebrich - Der vergessene Anti-Held – Artikel in de Neuen Osnabrücker Zeitung
Helden von Bern

Enkeld Nahwiesen

↑ ^a ^b „Unter die Haut“, Utgaave 48, S. 14
↑ ^a ^b Rohrbacher-List: „Im Herzen der Pfalz“, S. 358
↑ [1] Das Wunder von Bern in de Düütsch IMDb

[udh-1] „Unter die Haut“, Utgaave 48, S. 14

[rohrbacher-2] Rohrbacher-List: „Im Herzen der Pfalz“, S. 358

[3] [1] Das Wunder von Bern in de Düütsch IMDb

[1]

[2]

[3]