Werner Widmayer

Werner Widmayer (* 17. Mai 1909 in Kiel; † 14. Juni 1942 in Russland) weer en düütsch Footballspeler un de öllere Bröer vun den legendären Footballtrainer Herbert Widmayer. He speel sowohl in den Vereen as ok in de Natschonalmannschap as Middelfeldspeler.

Leven un Vereen

De steile Karriere vun den schöötstarken un technisch bannig starken Werner Widmayer fung all mit teihn Johr bi den Vereen Holsteen Kiel an. Mit sien ideenriek Speel kreeg he regelmatig Szenenapplaus un wurr gau to en vun de Leevsten vun de Fans. He weer en richtig Multitalent, denn, neben Football speel he ok spoodriek Tennis un Dischtennis, liekers weer he an' besten as Footballspeler. As jüngste Speler in' Kader vun de eerst Mannschap vun Holstein Kiel wunn he 1929 de Norddüütsch Football-Viezmeesterschap, un een Johr later de Meestgerschap. He wurr 16 mal in de norddüütsch Footballutwahl beroopen. 1930 funn dat Endspeel um den Düütsch Footballmeesterschap statt. In en vun de grootoordigsten Finals um disse Meesterschap gelung Werner Widmayer all in de 4. Minüüt dat Führungsdoor för de Kieler. Dat Speel an' 22. Juni 1930 in dat Düsseldörper Rhienstadion gung för 40.000 Tokiekers mit en 5:4 Sieg för Hertha BSC to Enn: Mit sien 5 Doren in de Meesterschapsrunde keem Werner Widmayer, achter Josef Schmitt (1. FC Nürnberg) mit 7 Doren un Willi Kirsei (Hertha BSC) mit 6 Doren, up den darten Platz in de Doorschüttenlist.

Natschonalmannschap

1931 hett Werner Widmayer denn noch twee Lännerspelen för de Düütsch Natschonalmannschap maakt.

Besünnerheit

Widmayer weer de öllere Bröer vun den Bundsligatrainer Herbert Widmayer, de mit den 1. FC Nürnbarg 1961 düütsch Meester un 1962 düütsch DFB-Pokalsieger wurr.

Literatur

• Chronik 100 Jahre - Holstein Kiel, Patrick Nawe ua.