Who Do I Gotta Kill?
Who Do I Gotta Kill?, ok ünner Me and the Mob, (op Platt so veel as „Wokeen schall ik an de Siet maken“ oder „Ik un de Sippschop “; dt. Titel: Wo bitte geht’s zur Mafia?, alternativ ok Ein heißer Job) is de Titel vun en Filmkummedie vun 1994 mit Frank Rainone as Speelbaas.
| Filmdaten | |
|---|---|
| Plattdüütsch Titel: | — |
| Originaltitel: | Who Do I Gotta Kill? |
| Düütsch Titel: | Wo bitte geht’s zur Mafia? |
| Produkschoonsland: | USA |
| Johr vun’t Rutkamen: | 1994 |
| Läng: | 90 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Frank Rainone |
| Dreihbook: | James Lorinz, Frank Rainone, Rocco Simonelli |
| Produkschoon: | Frank Rainone, Nicholas Spina |
| Musik: | Doug Katsaros |
| Kamera: | Adam Kimmel |
| Snitt: | Michelle Gorchow |
| Dorstellers | |
| |
Inholt
ännernJimmy Corona is en Schriever, man as he en Book schrifft över angeevliche Verbinnen twüschen Marilyn Monroe un Lee Harvey Oswald will sien Agent nix mehr mit em to doon hebben. Em fallt nix mehr in, wat he to Papeer bringen kann, worüm denn ok sien Fründin Lori mit em Sluss maken deit. As he opletzt in sien Stammlokal ok noch bi’t Klauen tofaten kregen warrt un wirklich allens scheef löpt, will he sien Leven en Enn maken.
Man denn kummt em jüst noch de Idee, en Book över de Mafia to schrieven, woneem al sien Unkel Tony Bando arbeiten deit. Över em versöcht he in de Verbrekerkreisen rintokamen, stellt sik dorbi aver nicht jüst so an, as dat wesen schüll. Man liekers warrt he opnahmen un mutt ok en poor krumme Dingers dreihn. Denn aver kriggt em de Polizei tofaten un öövt Druck op em ut, dat he Informatschonen över den Böverbaas vun de Mackers rutkriegen un wietergeven schall. Bi denn Versöök flüggt Jimmy aver op un schall afmurkst warrn.
Sien Unkel verklort, dat he dat sülvst maken will, vun wegen, dat he em rinbröcht hett in de Familie. Man, as dat sowiet is, stellt sik rut, dat he ok vun de Polizei rankregen worrn is, Informatschonen rantokriegen. As se aver de nödigen Informatschonen hebbt, will de Polizei dorvun nix mehr weten. Jem is dat Geld för den Fall streken worrn un se wüllt dor nix mehr mit to doon hebben. In jemehr Noot besluut de „Verbrekers“ dat Book to schrieven, un den Mafiabaas een uttowischen.
Kritiken
ännernDat Lexikon vun’n internatschonalen Film schreev, dat de Kummedie „turbulent“ un as en „Parodie op Mafia-Filmen“ konzipeert weer. De Geschicht baseert op en Kortfilm.
Janet Maslin schreev in The New York Times (in de Utgaav vun’n 23. September 1994), de Film „geev sik bannig Möh“, is aver eher „sarkastisch“ as witzig. Se loof dat Speel vun Tony Darrow.[1]
Borns
ännernWeblenken
ännern- Who Do I Gotta Kill? in de Internet Movie Database (engelsch)
- Filmkritik op Rotten Tomatoes