Wilhelm Bleicher

Wilhelm Bleicher (* 5. März 1940 in Limmerg; † 18. Januar 2016 in Iserlaun) war en düütschen Heimatkundler un Schriever.

Bleicher is 1940 as Söhn vun en Warkarbeider in Limmerg boren. He hett toeerst Germanistik, Geografie, Geschicht un Philosophie studeert. Denn hett he Oor- un Fröhgeschicht an de Westfäälsche Wilhelms-Universität in Mönster studeert un dor ok sien Dokter maakt. 1966 is he Lehrer an dat Märkische Gymnasium in Iserlaun worrn un 1975 dor denn ok Studiendirekter. He is 2004 in Pension gahn un leevte in Iserlaun.

Bleicher hett so bi 400 Opsätz to de Landskunn schreven. He hett för sien Warken 1991 de sülverne Ehrennadel vun de Stadt Iserlaun kregen. En Deel vun dat, wat he schreven hett warrt vun annere Historikers aver as „spekulativ“ ansehn.

Ok för dat Opteknen un Bewohren vun dat Westfäälsche in dat Siuerland deit Bleicher veel. Siet 1979 is he bi’n Arbeitskreis Plattdüütsch vun’n Heimatbund Märkischer Kreis mit togang un hett welk Böker un annere Schriften över un op Platt schreven.

Schriften

• Vam aollen Holtrichter un annere Döünekes ut Nachroa-Wibbelwär. Volksbank Limmerg mit de Gemeend Nachroa’-Wibbelwär, Iserlaun 1985
• Ne Kiepe vull Iserlöhner Platt. (Rutgever), Mönnig, Iserlaun 1986, ISBN 3-922885-32-2
• Märchen aus der alten Grafschaft Mark. Iserlaun, 1988, ISBN 392288542X
• Hohenlimburger Sagen. Hagen, 1991, ISBN 3-922885-18-7
• Üt’m Süerlanne. Plattdüütsch im Limmerg. Limmerg 1994
• Iserlohner Sagen. Verlag Fragomeli, Hagen, 2006, ISBN 3-938587-05-9

Literatur

• Ernst Dossmann, Karin Müller: Wilhelm Bleicher. Altena, 2000, ISBN 3-926890-19-3 (mit Biografie un Bibliografie)

Kiek ook bi

• List vun plattdüütschen Schrievers

Weblenken

• Wilhelm Bleicher in de Datenbank Die niederdeutsche Literatur (hoogdüütsch)