Wilhelm Jordan (Verwaltungsbeamten)
Georg Wilhelm Jordan (* in Harste; † 1834 in Freelanne) weer en düütschen Verwaltungsbeamten.
Jordan is as Söhn von Samuel Jordan († 22. November 1788) in Harste boren. Von Juni 1789 bet April 1791 weer he op de Kloosterschool Ilfeld.[1] 1791 hett he anfungen an de Universität Göttingen Juristeree to studeren. 1793 is he Liddmaat von’n Göttinger Unitistenorden worrn. Mit dat Studium trech weer he 1797.
Na dat Studium is he 1799/1800 Auditer worrn un 1801 Amtsschriever in Münnen. Von dor keem he as Amtsschriever in de Amtsvaagdie Eikeln un na dat Amt Brackenberg. 1818 is he Amtsassesser bi dat Gogericht Achem worrn un 1820 bi dat Amt Stotel-Vieland.
In dat Amt Stotel-Vieland is he denn 1825 Amtmann worrn. Dat is he bet 1831 bleven. In dat Johr is dat Amt Stotel-Vieland oplööst worrn. Jordan güng denn 1832 as Amtmann na dat Amt Winsen. He is 1834 in Freelanne doodbleven.
Footnoten ännern
- ↑ Ernst Wiedasch: Das Verzeichniss sämmtlicher Zöglinge des Pädagogiums zu Ilfeld seit seiner Gründung. 1853, Sied 85