William Esco Moerner

William Esco Moerner (normalerwies as W. E. Moerner bekannt; * 24. Juni 1953 in Pleasanton, Kalifornien, USA) is en US-amerikaansch Physiker un Chemiker. An' 8. Oktober 2014 wurr hüm gemeensam mit Robert Eric Betzig un Stefan Hell de Nobelpries för Chemie tospraaken för de Entwicklung vun superuplösen Fluoreszenzmikroskopie.

William Moerner 2013

Leven

Moerner is in Texas upwussen, wat sien fakener nömmt Naam mit de Initialen verklort, as he sülvst seggt.

Moerner kreeg sien B.S. in Physik, B.S. in Elektrotechnik un sien A.B. in Mathematik an de Washington University 1975. Dorup folgen denn de M.S. un Doktertitel (Ph.D.) in Physik an de Cornell University in de Johren 1978 un 1982. 1981 bit 1995 forsch he bi IBM. Ansluutend weer he bit 1998 Perfesser an de University of California, San Diego.

Moerner is siet 1998 Perfesser un siet 2002 Harry S. Mosher Professor för Chemie an de Stanford University mit en Ehrenernennung in Anwennd Physik. Sien Forschensswoorpunkte sünd Eenzelmolekül-Spektroskopie, physikalische Chemie, chemische Physik, Biophysik un Nanophotonik. Dank sien Forschung gelung de Lokaliseeren un dat spektroskopische Studium vun eenzeln fluoreszeeren Moleküle in Fastkörpern.

Ehrungen

He kreeg 1984 den Roger I. Wilkinson National Outstanding Young Electrical Engineer Award un 2001 den Earle K. Plyler Prize vun de American Physical Society. He is Fellow vun de American Physical Society, Optical Society of America, American Association for the Advancement of Science, de American Academy of Arts and Sciences un siet 2007 Liddmaat vun de National Academy of Sciences. Tosätzlich wunn he 2008 den Wolf-Pries in Chemie, 2009 den Irving Langmuir Award un 2013 den Peter Debye Award. 2014 sluutend wurr hüm de Nobelpries för Chemie tospraaken.

Schriften

• mit L. Kador: Optical detection and spectroscopy of single molecules in a solid, Phys. Rev. Lett., Band 62, 1989, S. 2535
• mit Michael Orrit: Illuminating single molecules in condensed matter, Science, Band 283, 1999, S. 1670-1676
• mit Th. Basché, M. Orrit, H. Talon: Photon antibunching in the fluorescence of a single dye molecule trapped in a solid, Phys. Rev. Lett., Band 69, 1992, S. 1516
• mit S. M. Silence: Polymeric photorefractive materials, Chemical reviews, Band 94, 1994, S. 127-155
• mit Stephen Ducharme, J. C. Scott, R. J. Twieg: Observation of the photorefractive effect in a polymer, Phys. Rev. Lett., Band 66, 1991, S. 1846
• mit P. Yeh: Introduction to Photorefractive Nonlinear Optics, Physics Today, Heft 3, 2008, S. 89-98
• mit Brahim Lounis: Single photons on demand from a single molecule at room temperature, Nature, Band 407, 2000, S. 491-493

Literatur

• Who’s Who in America. 66. Utgaav, Band 2: M–Z. Marquis Who’s Who, Berkeley Heights 2011, ISBN 978-0-8379-7032-5 (Band 2), ISBN 978-0-8379-7035-6 (Gesamtwark), ISSN 0083-9396, S. 3097

Weblenken

• Siet vun de Fakultät an dat Stanford's Chemistry Department
• W.E. Moerner's Group Homepage
• Chemie-Nobelpries 2014