William Spencer Vickrey
William Spencer Vickrey (* 21. Juni 1914 in Victoria, British Columbia; † 11. Oktober 1996 in Harrison, New York) weer en Ökonom un Universitätsperfesser in den USA. 1996 kreeg he gemeensam mit James Alexander Mirrlees den Nobelpries för Wertschapswetenschapen för sien Bidrääg to de ökonomischen Theorie vun Anreizen bi ünnerscheedlich Graden vun Informatschoon vun de Marktdeelnehmer.
Leven
ännernWilliam Vickrey wurr in dat kanaadsch Victoria up Vancouver Island boren un hett de Phillips Academy in Andover, Massachusetts afslooten. Ansluutend hett he Mathematik an de Yale University studeert un 1935 den Afsluss Bachelor of Science maakt. Dornah fung he en Master-Studium an de Columbia University in New York an, dat he 1937 afslooten hett. An de sülvige Universität kreeg he 1947 sien Doktertitel..[1]
Vickrey weer 1946 Dozent an de Columbia University in New York, nahdem he vörher as Stüerberader arbeit harr, ansluutend kreeg he en Professur för Ökonomie. 1974 wurr he in de American Academy of Arts and Sciences wählt, 1996 in de National Academy of Sciences.
1992 stunn Vickrey de American Economic Association as wählt Präsident vör.[2]
Forschung
ännernVickrey sien Ergevnisse harrn direkten Infloot up de Tarifpolitik vun Versekerungen un de Stüerpolitik. He geev de Vickreyauktschoon sien Naam, bi de geheim boden wurrd, de Hööchstbeedend aber blots den Pries vun dat tweethööchste Gebot betahlt.
Den hüm verleeht Nobelpries för Wertschapswetenschapen, kunn he aber nich mehr entgegennehmen, wiel he tüschen Bekanntgaav un den offiziellen Verleehnstermin an’n 10. Dezember 1996 storven weer.
Schriften
ännern- Counterspeculations, auctions, and competitive sealed tenders (1961)
Weblinks
ännernEnkeld Nahwiesen
ännern- ↑ William S. Vickrey (1914–1996). In: The Concise Encyclopedia of Economics. Afropen an’n 1. August 2014.
- ↑ Past and Present Officers. aeaweb.org (American Economic Association), afropen an’n 15. Mai 2019 (engelsch).