Willoughby Bullock

brietschen Jurist

Willoughby Bullock (* 5. Juni 1882 in London; † 20. April 1950[1]) weer en brietschen Jurist.

Bullock is 1882 as Söhn von Ada Charlotte (Willoughby) un Francis B. Bullock in London boren.[2] He weer op dat Haileybury and Imperial Service College un denn op de Universitäten Edinburgh un Montpellier.[2] Dor hett he 1906 anfungen Juristeree to studeren.[2] He is Barrister worrn un weer Maat von Gray’s Inn un den Inner Temple. As Avkaat tolaten worrn is he an’n 24. April 1918.[2]

In’n Eersten Weltkrieg hett he von 1914 bet 1918 bi de Sussex Yeomanry Militärdeenst daan.[2]

An’n 14. März 1921 is he Generaalstaatsanwalt von de Bahamas worrn un gliektiedig ok Böverst Richter. Tosätzlich weer he Maat von’n Exekutivraad un von’n Schoolraad von de Bamahas. 1921 weer he Kannedaat för’n Wahlkreis Andros bi de Wahlen to dat Versammlungshuus von de Bahamas, kunn sik aver nich dörsetten.[2]

1925 is he von de Bahamas na Brietsch-Honduras wesselt un dor Generaalstaatsanwalt worrn.[2] Dat is he bet 1928 bleven, as he Böverst Richter von St. Vincent worrn is. Dat Amt as Böverst Richter hett he 1930 afgeven.[2]

Bullock hett 1921 Anita Clements freet.[2] He hett toletzt in Bosham leevt un is 1950 doodbleven.

FootnotenÄnnern

  1. Journal of the Royal Sanitary Institute. 1950, Sied 701
  2. a b c d e f g h i Who's who in Canada. International Press, 1941, Sied 164