Dit Woort hett noch annere Bedüden: kiek dorför ünner Witmarsum (Brasilien).

Witmarsum (up Freesch Wytmarsum) is en Dorp un de Hööftoort vun de ehemaalsche Gemeende Wonserediel in de Provinz Freesland in de Nedderlannen. Dor leevt um un bi 1.800 Inwahners.

Geographie ännern

Witmarsum liggt dicht bi de Autobahn A7 twuschen den Afslussdiek un Bolsward. Nich wiet af liggt de Dörper Arum, Pingjum un Wons.

Inwahnertallen ännern

Bekannte Witmarsumers ännern

Menno Simons ännern

Menno Simons is hier 1496 boren. 1524 is he Vikaar wurrn in Pingjum un 1533 kreeg he en egen Karkengemeende in Witmarsum. He is de eenzige nedderlannsche Reformater, de en Kark grünnt hett, de sik över de ganze Welt hen ut utbreedt hett. Jummerto besöökt Döper un Mennoniten ut all Kanten vun de Welt Witmarsum un Pingjum. Buten dat Dorp steiht en Denkmol an de Steed, wo Menno predigt hett. In Pingjum mutt een sik unbedingt de Döper ehr Schuulkark ankieken. Hier weert ok Dias över Menno Simons sien Leven wiest.

Pim Mulier ännern

Pim Mulier is hier an'n 10. März 1865 boren. In de Historie vun den nedderlannschen Sport speelt he en grode Rull. He warrt as een vun de Vaders vun den modernen Sport in de Nedderlannen ankeken. In Witmarsum dreegt de Footballvereen un ok de Kaatsgemeenschop sien Naam.

Weblinks ännern