Wolfgang Vockel
Wolfgang Vockel (* 19. Dezember 1955 in Cuxhoben) is en düütschen Kommunalpolitiker.
Vockel is 1955 in Cuxhoben boren un weer von 1962 bet 1966 op de Grundschool Ritzbüttel. Na de Grundschool is he 1966 op dat Gymnasium Cuxhoben ween un hett dor 1974 sien Abitur maakt. Von 1974 bet 1976 weer he bi’n Wehrdeenst bi de Luftwapen. 1976 bet 1979 weer Vockel denn in’n Vörbereitungsdeenst mit anschließender Loopbahnprüfung för den gehobenen allgemenen Verwaltungsdeenst in dat Land Neddersassen. Vockel hett in de Johren 1980 bet 1983 an de Verwaltungsakademie Oostwestfalen-Lippe in Deppelt studeert. Von 1979 bet Oktober 1986 weer he Beamten bi de Stadtverwaltung in Cuxhoben un denn von 1. November 1986 bet 31. August 1995 Samtgemeendirekter bi de Samtgemeen Hadeln un Stadtdirekter von de Stadt Oterndörp.
An’n 1. September 1995 is de parteilose Vockel as Börgermeester von de Stadt Tauberbischofsheim in Baden-Württemberg wählt worrn. In’n Juni 2003 (93,47 %) un Juni 2011 (74,64 %) is he mit grote Mehrheit wedderwählt worrn.[1]
2004 weer Vockel as Parteilosen ünnerstütt von de CDU Kannedaat för den Posten as Böverbörgermeester von Konstanz.[2]
Vockel is ok in’n Kreisdag von’n Main-Tauber-Kreis un dor in de CDU-Frakschoon.[3]
Weblenken
ännern- Biografie von Wolfgang Vockel op tauberbischofsheim.de (hoochdüütsch)
Footnoten
ännern- ↑ Main-Post: Mit 75 Prozent in die dritte Runde. 27. Juni 2011. Online op mainpost.de. Afropen an’n 30. Oktober 2014.
- ↑ Südkurier: "Kritisch-konstruktive Zusammenarbeit". 28. Juli 2004. Online op suedkurier.de. Afropen an’n 30. Oktober 2014.
- ↑ Südwest-Presse: CDU Wahlsieger - SPD einziger Gewinner - Andere Fraktionen halten ihre Stärke. 27. Mai 2014. Online op swp.de. Afropen an’n 30. Oktober 2014.