Zwickau
Zwickau is de veertgröttste Stadt in Sassen. Sie hett ruch weg 97.000 Inwahners up een Rebeet vun 102.54 km². Üm 1944 leven dor all över 100.000 Inwahners.
In dat 7. Johrhunnert hebbt all Slawen in dat Rebeet tüschen Elv un Saale wahnt, in’ 10. Johrhunnert fungen se mit de Christianiseerung van de Slawen an un de germaansch Siedler sünd immer wieder nah den Oosten trucken. De Naam Zwickau, de soorbsch Naam is Świkawa, kunn – nah een Theorie– up Svarozič (ok Swirositč), de slaawischen Gott för Sünn un Fuer torüchgahn. In de Gegend sünd ok hüüdtodag noch Steenkohlenflöze to finnen. Villicht harrn de Slawen all de Kohle in Gebruuk. De Naam Zwickau kunn dornah Tal oder Aue des Feuergottes bedüüden.
Up een Oorkunn is Zwickau eerstmals 1118 nömmt wurrn, as Bischop Dietrich I. vun Naumborg eerstmals van dat territorio Zcwickaw schreven hett. 1212 hebbt se dat Stadtrecht kregen un 1316 sünd se in dat Rebeet mit de Bargbo anfungen.
1403 ist meest de gesamte Stadt afbrennt. 1470 hebbt se in dat Rebeet ok noch Sülver entdeckt, wat dorto föhren de, dat se nu ok dat Müntrecht kregen deen.
Ut Zwickau stammt
ännern- Robert Schumann (Komponist)
- Max Pechstein (Maler)
- Gert Fröbe (Schauspeler)
- Jürgen Croy (Footballspeler)
- Peter Sattmann (Schauspeler)
- Christoph Bergner (Ministerpräsident vun Sassen)
- Lars Riedel (Lichtathlet, Diskussmieter).
Weblenken
ännern
- Offizielle Siet van de Stadt Zwickau (hoochdüütsch)
- Luftbildkoort van Zwickau
- Zwickau-Ansichten (Ümfangriek fotograafsch Dorstellung van Zwickau)
- Zwickau-Navigator (düchtig informativ Detailsiet to de Stadt Zwickau) (hoochdüütsch)
- Sieden to Robert Schumann und sied Gebortsstadt Zwickau (hoochdüütsch)