Övelgünn (Gemeen Kumbarg)

Övelgünn (hoochdüütsch Ovelgönne) weer en lütten Oort, de al von öllers bi Geversdörp mit bihöört hett. Dat Rebeed liggt vondaag in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen.

Geografie

Övelgünn leeg in de Masch von de Oost. An’n Oort langs is dat Neenseer Slüsenfleet flaten, dat in’n Süüdwesten in de Oost münnt. De Oort leeg direkt an de Grenz na de Kaspels un hüdigen Gemenen Öberndörp un Öderquart. Ok de Grenz na Balje weer dichtbi.

De Naveröörd weren Wetterdiek in’n Noorden, Vosssteert in’n Noordoosten, de Seeweg in’n Oosten, Moorstreek in’n Süüdoosten, Bentwisch in’n Süden, Reetbraak, Dammhoff un Portshemm in’n Süüdwesten, Olendecken in’n Westen un Neenslüüs in’n Noordwesten.

Historie

De Oort harr in dat 17. Johrhuunert negen oder teihn Füürsteden, is denn aver bilütten jümmer lütter worrn. De letzte Hoff is in de Tied an’t Enn von dat 19. Johrhunnert opgeven worrn.

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1793-00-001793	6 Füürsteden
1848-00-001848	10 Lüüd, 2 Hüüs
1871-12-011. Dezember 1871	5 Lüüd, 1 Huus

Religion

Övelgünn weer evangeelsch-luthersch präägt un hett to dat Kaspel von de Andreas-Kark in Geversdörp höört.