See (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21734 | |
| Vörwahl: | 04779 | |
| Geograafsche Laag: | Koordinaten:53° 47′ N, 9° 11′ O53° 47′ N, 9° 11′ O | |
|
| ||
See (hoochdüütsch See) is en lütten Oort in de Gemeen Öderquart (Samtgemeen Noordkeden) in’n Landkreis Stood, Neddersassen.
De Straat, an de de Oort liggt, heet Seeweg un so warrt de Oort deelwies ok nöömt.
Geografie
ännernDe Oort liggt in de Masch twüschen Oost un Ünnerelv. Dat Water ut dat Rebeed flütt över dat Neenseer Slüsenfleet na de Oost hen af.
De Naveröörd sünd Hogenlucht in’n Noorden, Gehrener Sietwenn un Kaidiek in’n Noordoosten, Brook un de Brookhoff in’n Oosten, Tollboom, Moordiek un Moorstreek in’n Süden, Beentwisch in’n Süüdwesten, Reetbraak, Portshemm un Olendecken in’n Westen un Wetterdiek in’n Noordwesten. De Hööv von de Seeborg, von Övelgünn un von’n Vosssteert in’n Westen sünd vondaag verswunnen.
Historie
ännernVerwaltungsgeschicht
ännernDe Oort hett vör 1852 to dat Kaspel Öderquart in dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.
De Oort weer fröher Deel von de Buurschop Beentwisch. In de Tied üm de Johrhunnertwenn to dat 20. Johrhunnert is de Buurschop Beentwisch Deel von de Gemeen Öderquart worrn, de sik in ehren Ümfang na dat Kaspel von de Johannis-Kark richten dee.
Inwahnertall
ännern| Johr | Inwahners |
|---|---|
| 1824[1] | 8 Füürsteden |
| 1. Dezember 1871[2] | 147 Lüüd, 22 Hüüs |
| 1. Dezember 1885[3] | 110 Lüüd, 21 Hüüs |
| 1. Dezember 1905[4] | 58 Lüüd, 14 Hüüs |
Religion
ännernSee is evangeelsch-luthersch präägt un höört to dat Kaspel von de Johannis-Kark in Öderquart.
För de Kathoolschen is de Hillig-Geist-Kark in Stood tostännig.
Weertschop un Infrastruktur
ännernFör See is de freewillige Füürwehr Öderquart mit tostännig.
Verkehr
ännernDicht bi See löppt de Landsstraat 113 langs, de in’n Noordoosten över Öderquart na Freeborg an de L 111 ran geiht un in’n Süüdwesten na Öberndörp. Dor is se över de Kreisstraat 24 an de Bundsstraat 73 anbunnen. In’n Oosten löppt de K 11/K 12 na Kaidiek un Wischhoben.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 1 Cuxhoben liggt so 40 Kilometer in’n Noordwesten von See an de B 73. De Opfohrten 2 Stood-Süüd un 3 Stood-Oost op de Autobahn 26 (Afsnidd Stood–Hamborg) doot so 42 Kilometer in’n Süüdoosten an de B 73/L 111 liggen.
De nächste Bahnhoff is good negen Kilometer wied weg in’n Süüdwesten de Bahnhoff Wingst an de Nedderelvbahn.
Scholen
ännernBet 2014 güngen de Kinner ut’n Oort op de Grundschool Öderquart. Nadem de School dichtmaakt hett, mööt de Kinner nu op de Grundschool Freeborg gahn oder köönt op Wunsch von de Öllern ok op de Grundschool Wischhoben oder de Grundschool Balje gahn. Nadem se mit de Grundschool trech sünd, gaht de Kinner op de Oberschool Noordkeden oder op dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.
Footnoten
ännern- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 554
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 94