Abhijit Vinayak Banerjee

Abhijit Vinayak Banerjee (bengalisch: অভিজিৎ বিনায়ক বন্দ্যোপাধ্যায়; * 21. Februar 1961 in Mumbai, Indien) is en US-amerikaansch Wertschapswetenschapler vun indisch Afkunft. 2019 kreeg he gemeensam mit Esther Caroline Duflo un Michael Robert Kremer den Nobelpries för Wertschapswetenschapen tospraken.

Abhijit Banerjee, 2011

Werdegang, Forschung un Lehre

Banerjee hett an de University of Calcutta studeert, de he 1981 as Bachelor of Science in Richt Jawaharlal Nehru University verlaaten hett. Dor hett he 1983 sien Master of Arts maakt. Ansluutend gung he to dat Ph.D.-Studium in de USA an de Harvard University, an de he 1988 sien Doktertitel kreeg.

As Assistant Professor is Banerjee direkt nah Afsluss vun sien Utbillen an de Princeton University wesselt. In‘n Harvst 1991 weer he denn noch för en körten Tiet Gastperfesser in Harvard, is aber in dat folgend Johr endgültig nah Princeton wesselt. Nah en wieder Johr as s Assistant Professor in Harvard is he an dat MIT wesselt, an dat he en Stäer as Associate Professor annehm. 1996 wurr he dor to’n ordentlichen Perfesser beropen. 2003 övernehm he an dat MIT den Ford-Foundation-International-Lehrstohl för Ökonomie. In dat sülvig Johr hett he mit Esther Caroline Duflo un Sendhil Mullainathan dat Abdul Latif Jameel Poverty Action Lab grünnd, dat he as Direkter leiten deiht.

De Swoorpunkt vun sein Arbeit liggt in den Beriek vun de Entwicklungsökonomie, in dat he över 100 Papers schreeven hett. Dorbi hett he sück ünner annern mit Analysen över Institutschonen in Entwicklungslänner, Mikrokredit, Informatschonstheorie, Entwicklungshülp un soziale Ünnerstütten hervördaan, insbesünnere to de Umstände, in de soziale Projekte funktschoneeren. He sett sück för Feldexperimente to de Analyse vun volkswertschaplich Tosommenhänge in .

Verheiratet is he mit Esther Caroline Duflo, de ok as Perfesser arbeit un mit hüm den Nobelpreis kreeg. De beid hemm twee Kinner.

Utteknungen un Ehrungen

• 1994: Sloan Research Fellow
• 2004: Liddmaat vun de American Academy of Arts and Sciences
• 2009: Infosys Prize in Social Sciences and Economics
• 2014: Albert-O.-Hirschman-Pries vun dat Social Science Research Council
• 2014: Bernhard-Harms-Pries vun dat Institut für Weltwirtschaft Kiel
• 2019: Nobelpries för Wertschapswetenschapen, deelt mit Esther Caroline Duflo un Michael Robert Kremer

Böker

• mit Philippe Aghion: Volatility and Growth. 2005.
• mit Roland Benabou und Dilip Mookherjee (Hrsg.): Understanding Poverty. 2006.
• Making Aid Work. 2007.
• mit Esther Duflo: Poor Economics: A Radical Rethinking of the Way to Fight Global Poverty, PublicAffairs, 2012. ISBN 978-1-61039-093-4.
• mit Esther Duflo: Good Economics for Hard Times: Better Answers to Our Biggest Problems, Public Affairs, 2019. ISBN 0-241-30689-2.

Todem hett he tallriek Artikel in Tietschriften und Arbeitspapeeren verfaat.

Literatur

• Mark Blaug (Hrsg.): Who’s who in economics. 4. Uplaag. Elgar, Cheltenham u. a. 2003, ISBN 1-84064-992-5, S. 48–49.

Weblinks

Abhijit Vinayak Banerjee. Mehr Biller, Videos oder Audiodateien to’t Thema gifft dat bi Wikimedia Commons.

• Abhijit Banerjee an dat MIT
• Interview vun Zeit mit Banerjee und Duflo
• Utführlich Interview (mit düütsch Översetten) in de SRF Sennen Sternstunde Philosophie, 2017: Mit Methode die Armut besiegen (tosommen mit Esther Caroline Duflo)