Adolf Arenhold

Adolf Arenhold (* üm 1803 in Hannover; † 1857 in Oosterholt) weer en düütschen Verwaltungsbeamten.

Arenhold is as Söhn von’n Hoffraad Adolf Johann Gustav Arenhold (1768–1854) in Hannover boren. He hett sik an’n 31. Oktober 1821 an de Universität Göttingen inschreven un Juristeree studeert. In siene Tied in Göttingen weer he Maat von dat Corps Hannovera Göttingen. Na dat Enn von dat Studium 1824 is he in’n hannöverschen Verwaltungsdeenst gahn un 1826 Auditer bi dat Amt Reinhusen worrn. In dat Johr kreeg he ok dat Amt as Kanoniker von dat Stift St. Peter un Paul in Bewick.

1830 weer he Amtsassesser bi dat Amt Hannover un gliektiedig as Redaktör Bidreger to dat hannöversche Intelligenz-Comptoir. 1836 is he in dat Amt Deepnau versett worrn un 1845 in dat Amt Stolzenau. 1853 keem he as Amtmann in dat Amt Oosterholt. Dor is he 1856 in Rohstand gahn un een Johr later doodbleven.

Arenhold hett Antonie Reiche freet. De beiden harrn twee Söhns. Sien jüngeren Broder Lüder Arenhold weer Amtmann in dat Amt Soltau.