Lüder Arenhold (Amtmann)

Lüder Arenhold (* 1807 in Hannover; † 8. September 1854 in München) weer en düütschen Verwaltungsbeamten.

Arenhold is 1807 as Söhn von’n Hoffraad Adolf Johann Gustav Arenhold (1768–10. November 1854) in Hannover boren. De Verwaltungsbeamte Adolf Arenhold weer sien Broder. Na de Schooltied in Holsminn hett he sik an’n 24. Oktober 1826 an de Universität Göttingen inschreven un dor Juristeree studeert. An’n 4. November 1828 hett he sik noch en tweet Maal in Göttingen inschreven. In siene Tied in Göttingen weer he Maat von dat Corps Hannovera Göttingen. Na dat Studium is he in’n hannöverschen Verwaltungsdeenst gahn un is 1832 Amtsauditer bi dat Amt Blumenau worrn.

1836 keem he as Amtsassesser in dat Amt Neehuus, 1845 in dat Amt Hardegsen un 1850 in dat Amt Ilten. 1852 is he Amtmann von dat Amt Soltau worrn. Twee Johr later is he op en Reis in München doodbleven.