Adolf Friedrich von Hammerstein

Adolf Friedrich von Hammerstein-Equord (* 19. November 1814 in Clausthal; † 13. Mai 1894 in Hannover) weer en düütschen Verwaltungsbeamten.

Von Hammerstein is 1814 as Söhn von Dorothea Luise, borene von dem Bussche (27. Oktober 1777–1. November 1846; Dochter von Friedrich Georg Wilhelm von dem Bussche), un den Offzeer Friedrich Georg Christoph Clamor von Hammerstein (5. November 1775–8. April 1851) in Clausthal boren.[1]

He hett Juristeree studeert un is na dat Studium in’n hannöverschen Verwaltungsdeenst gahn.

He is 1839 Auditer bi dat Amt Ostroe worrn un 1843 as Amtsassesser in dat Amt Münnen wesselt. 1844 weer he denn aver al wedder trügg as Amtsassesser in dat Amt Ostroe. 1848 weer he Amtsassesser bi dat Amt Wenngessen un 1850 bi dat Amt Läernstäine.

He is 1853 Amtmann von dat Amt Lüün worrn, dat 1862 sien Naam op Amt Lümborg ännert hett. Nadem Prüßen dat Königriek Hannover annekteert hett, hett sik de Titel von sien Amt op Amtshauptmann ännert. Dat is he bet to’n 31. März 1885 bleven, as dat Amt oplööst un dor de Kreis Lümborg von worrn is.

Von 1867 bet 1885 weer he gliektiedig ok Kreishauptmann von’n Stüürkreis Lümborg.

He hett an’n 2. Oktober 1855 in Elze Clotilde Wilhelmine Emilie Bock von Wülfingen (11. Oktober 1831–15. Februar 1911) freet.[1] De beiden harrn de Kinner Thecla Marie Julie Georgine (17. Mai 1858–14. April 1920) un Arnold Hermann Wilhelm Georg (24. März 1860–18. April 1930).[1][2]

Footnoten ännern

  1. a b c http://www.stammreihen.de/getperson.php?personID=I814N19H&tree=tree1
  2. Gothaisches genealogisches Taschenbuch der freiherrlichen Häuser. Band 13, Perthes, 1863, Sied 346