Ahsen-Ötzen (hoochdüütsch Ahsen-Oetzen) weer en Gemeen in’n Landkreis Bruunswiek, de bet to’n 1. Juli 1972 bestahn hett. Se hett sik ut de twee Öörd Ahsen un Ötzen tohoopsett. Dat Rebeed höört siet 1972 to de Gemeen Thänhusen (Samtgemeen Thänhusen) in’n Landkreis Veern, Neddersassen.

Geografie ännern

De Gemeen weer 5,14 km² groot.

De Navergemenen weren Bauen in’n Noorden, Hagen-Grinnen in’n Noordoosten, Morsen in’n Süüdoosten, Beppen in’n Süden, Holtdörp-Lunsen in’n Süüdwesten un Werder in’n Westen.

Historie ännern

Verwaltungsgeschicht ännern

Dat Rebeed hett fröher to dat Arzstift Bremen tohöört un is an’t Enn von’n Dörtigjohrigen Krieg an de Sweden fullen. In’n Fredensverdrag von Celle is dat Rebeed üm Thänhusen 1679 an dat Hartogdom Bruunswiek-Wulfenbüttel fullen.

De Gemeen hett binnen Bruunswiek to dat Amt Thänhusen tohöört, von 1832 bet 1850 to’n Kreis Holtsminne un von 1850 bet 1972 to’n Kreis Bruunswiek.

An’n 1. Januar 1966 is de Gemeen Maat von de ole Samtgemeen Thänhusen worrn.

De Gemeen is an’n 1. Juli 1972 mit de Gemeenreform in Neddersassen ut’n Landkreis Bruunswiek in’n Landkreis Veern wesselt un dorbi Deel von de Gemeen Morsen worrn. De Gemeen Morsen wedder is an’n 1. November 2006 Deel von de Gemeen Thänhusen worrn.
Koordinaten:52° 58′ N, 9° 5′ O