Aline MacMahon

Aline Laveen MacMahon (* 3. Mai 1899 in McKeesport, Pennsylvania; † 12. Oktober 1991 in New York City, New York) weer en US-amerikaansch Theater- un Filmschauspelerin, de besünners för hör Moderrullen in de 1930er un 1940er Jahren bekannt weer.

Leven

Trotz hör schottsch anmooden Nahnaam MacMahon weer Aline Laveen de Dochter vun jöödsch Öllern. All bald nah hör Geboort truck de Familie nah New York. Dor hett Aline de Erasmus Hall High School un dat Barnard College besöcht.

In de fröh 1920er Johren fung MacMahon an bi Broadwaybühnen vörtospreken. Se kreg de eersten Rullen un speel vun dor an immer weer an’t Theater, ok as 1931 hör Filmkarriere mit Mervyn LeRoy sien Kriminalfilm Spätausgabe anfung. In de Folgetiet kreeg se regelmatig Engagements, sowohl för Hollywood-Produkschonen vör de Kamera as ok för Theaterrullen an’n Broadway.

MacMahon hett in över 40 Kinofilmen mitspeelt. Se hett ünner annern mit de Regisseure Mervyn LeRoy, William A. Wellman, W. S. Van Dyke, Clarence Brown, Anatole Litvak, Mitchell Leisen, Jacques Tourneur, Fred Zinnemann un Anthony Mann tosommen arbeit. Mit Guy Kibbee, de mehrfach hör Film-Ehemann speel, hett se in de 1930er Johren mehrere Kummedies dreiht. Se stunn todem an de Siet van so bekannt Schauspeelkollegen as Edward G. Robinson, Loretta Young, William Powell, Douglas Fairbanks jr., Paul Muni, Joan Crawford, Basil Rathbone, Lionel Barrymore, Cary Grant, Marlene Dietrich, Fred MacMurray, Katharine Hepburn, Walter Huston, Montgomery Clift, Burt Lancaster, James Stewart, Glenn Ford, Maria Schell un Charlton Heston vör de Kamera.

De Hööchtpunkt van hör Filmloopbahn weer 1945 de Oscarnomineeren as Best Nevendorstellerin för hör Rull in dat Kriegsdrama Dragon Seed. Af Midden vun de 1960er Jahre is se blots noch gelegentlich in’t Feernsehn uptreeden, 1975 hett se sück ganz ut dat Filmgeschäft torüchtrucken.

1928 hett Aline MacMahon den Architekten un Stadtplaner Clarence Stein heiraadt. Bit to sien Dood 1975 bleev dat Paar 47 Johren lang verheiraadt. De Ehe bleev ahn Kinner. In dat Öller van 92 Johren is Aline Laveen MacMahon an de Folgen van en Lungensweer storven.

Weblenken

• Aline MacMahon in de Internet Movie Database (engelsch)
• Nahroop vun Bruce Lambert in de New York Times, 14. Oktober 1991