Amtsgericht Horborg

Dat Amtsgericht Horborg is een von de acht Amtsgerichten in’n Landgerichtsbezirk Hamborg. Dat hett sien Seet in de Buxthuer Straat 9 in Horborg.

Gebüüd von dat Amtsgericht

Överornt Gerichten ännern

Dat Amtsgericht Horborg sünd in’n Instanzentog dat Landgericht Hamborg, dat Hanseaatsche Oberlandsgericht un de Bundsgerichtshoff in Karlsruhe överornt.

Gerichtsbezirk ännern

Dat Amtsgericht is tostännig för all Rebeden von Hamborg de süden de Elv liggen doot, un den Oortsdeel Rodenborgsoort, de noorden de Elv liggt.

Geschicht ännern

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Horborg is dor denn nee schapen worrn as Gericht för de Ämter Horborg, Willemsborg un Hittfeld un de Stadt Horborg. Överornt weer dat Obergericht Lümborg. Dat Gericht harr to Anfang dree Richters un negen annere Mitarbeiders.

1886 is de Gemeen Fischbeek mit de Öörd Neegraven, Scheedholt un Fischbeek ut’n Gerichtsbezirk von dat Amtsbezirk Töst in’n Horbörger Bezirk wesselt, von wegen, dat veel lichter na Horborg hentokamen weer as na Töst.

Later is dat Gericht in’n Bezirk von dat Landgericht Stood wesselt. Nadem Horborg un Willemsborg 1927 as Horborg-Willemsborg tohoopleggt worrn sünd, hett dat Gericht Amtsgericht Horborg-Willemsborg heten. 1937 is Horborg mit dat Groot-Hamborg-Gesett Deel von Hamborg worrn un dorbi ut’n Bezirk von dat Landgericht Stood in’n Bezirk von dat Landgericht Hamborg wesselt.

Nadem de Briten dat Rebeed an’t Enn von’n Tweten Weltkrieg in’n Mai 1945 innahmen harrn, hebbt se dat Amtsgericht dichtmaakt. An’n 13. August 1945 kunn dat Gericht denn sien Arbeid wedder opnehmen.

Amtsrichters ännern

  • ~1858: Carl Christian David Scharf

Gerichtsgebüüd ännern

Dat hüdige Gerichtsgebüüd is 1872 boot worrn. Vörher hett dat Gericht in de Rüüm von dat Slott Horborg seten.

Richters ännern

De jöödsche Präsident von dat Oberlandsgericht Celle, Richard Katzenstein, is 1933 von de Natschonalsozialisten na dat Amtsgericht Horborg straafversett worrn.

Erika Andreß is in’t Johr 2000 Direkter von dat Amtsgericht worrn. Later is se na dat Hanseaatsche Oberlandsgericht wesselt.

Kiek ook bi ännern

Weblenken ännern

  Amtsgericht Horborg. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 28′ N, 9° 59′ O