Amt Willemsborg
Dat Amt Willemsborg weer en Verwaltungsrebeed in dat Fürstendom Lümborg un in dat Königriek Hannover mit Seet in Willemsborg binnen de Landdrostie Lümborg.
Dat Leid över dat Amt harr en Amtmann, de twete Beamte weer bet 1816 de Amtsschriever.
De Amtlüüd hebbt toeerst in dat Slott von de Familie von Groten in Stillhorn seten. Dat Slott weer 1724 brockfällig un is denn afreten worrn. 1724 is denn en neet Amtshuus boot worrn.
Geografie ännern
In’n Süden von dat Amt leeg dat Amt Horborg un de Stadt Horborg un in’n Oosten dat hambörgsche Amt Bardörp (Stand 1848). De annern Öörd, von de dat Amt ümgeven weer, hebbt all to Hamborg höört (ünner annern Waltershoff, Möhlenwarder un Moorwarder).
Bet 1859 ännern
1672 hett Hertog Georg Willem von Lümborg den Besitt von de Familie Groten op de Elvwarders köfft un mit den Besitt tohoopleggt, den he al harr. De Hertog hett dit Rebeed denn na sik sülvs Willemsborg döfft.
Na Georg Willem sien Dood hett sien Brodersöhn Georg Ludwig, de Kurförst von Bruunswiek-Lümborg, dat Förstendom Lümborg arvt. To disse Tied 1705 is Willemsborg en Amt worrn.
1813 hett dat Amt Willemsborg noch de Insel Neehoff tokregen. To’n 1. Mai 1847 hett dat Amt Horborg den lütten Elvsand Blomensand in’n Reiherstieg an dat Amt Willemsborg afgeven.[1]
1848 weer dat Amt so 28,567 km²[2] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Willemsborg weer in disse Tied de Seet von en Kanton. 1813 müssen de Franzosen dat Amt denn opgeven un de ole Stand is wedderkamen.
Bi de Verwaltungs- un Justizreform an’n 1. Oktober 1852 in dat Königriek Hannover hett sik an dat Amt Willemsborg nix ännert.
As Gericht för dat Amt is to’n 1. Oktober 1852 dat Amtsgericht Horborg inricht worrn.
Öörd Stand 1848[3] ännern
| Oort | Lüüd | Hüüs | Aard | Status | |
|---|---|---|---|---|---|
| 1 | Vaagdie Georgswarder | 514 | 69 | Dörp | Gemeen |
| 2 | Vaagdie Reiherstieg | 976 | 97 | Dörp | Gemeen |
| 3 | Vaagdie Stillhorn | 1673 | 194 | Dörp | Gemeen |
| 4 | Vaagdie Neehoff | 542 | 59 | Dörp | Gemeen |
Öörd:
- Vaagdie Georgswarder: Honartsdiek, in’n Nedderwarder, in’n Öberwarder, op’n Rahmwarder un Vörwark Neehuus
- Vaagdie Reiherstieg: bi de Bowieserslüüs, in’n Busch (mit dat Huus Snakenborg), bi de Honartsslüüs, an’n Reiherstieg, Rodenhuus, Schippswarft, Huus an’n Rüsoort
- Vaagdie Stillhorn: bi de Olenslüüs, an’n Olendiek, op’n Bullert, in de Inlaag, in’n Finkenriek, Götjensoort, an’n Grönendiek, op de Höh, op’n Hövel, an Jenersied, Karkdörp, in de Koornweid, bi de Möhl, achter’n Neenfell, achter’n Schönenfell, an’n Sperldiek, Stillhorn, Vörwark Sluisgroov un de Hüüs in’n Fellen, Kükenkaat un Kukuukshorn
- Vaagdie Neehoff: an’n Köhlbrand, an’n Reiherstieg
na 1859 ännern
1859 bi de Verwaltungsreform in dat Königriek Hannover is dat Amt Willemsborg denn mit de Ämter Horborg un Hittfeld to dat ne’e Amt Horborg tohoopleggt worrn.
Inwahnertall ännern
| Johr | Inwahners |
|---|---|
| 1810[4] | 2.513 Lüüd, 346 Füürsteden |
| 1823[5] | 2.828 Lüüd, 392 Füürsteden |
| 1848[2] | 3.705 Lüüd, 419 Hüüs |
Amtlüüd ännern
- 1672-1678: Johann Jakob Sperl
- 1678-1687: Albert Kücken
- 1687-1697: Christian Böhmer
- 1699-1703: Dietrich Nolbeck
- 1703-1716: Johann Friedrich Philippi
- 1717-1718: Friedrich Wilhelm Meineking
- 1718-1734: Moritz Busmann
- 1735-1747: Friedrich Christoph Isenbart
- 1747-1762: Johann Anton von Döhren
- 1762-1791: Friedrich August Brauns
- 1791-1796: Carl Friedrich Hotzen
- 1796-1811: Friedrich Franz Rautenberg
- 1819-1831: August Wilhelm Carl Joachim Otto Wyneken
- 1831-1836: Johann Caspar Peter Fischer
- 1836-1846: Ludwig August Schlüter
- 1847-1859: Christian Philipp von Ramdohr
Footnoten ännern
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 166
- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 102: http://books.google.de/books?id=eOI-AAAAcAAJ&pg=PA102
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 102: http://books.google.de/books?id=eOI-AAAAcAAJ&pg=PA102
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 135: https://books.google.de/books?id=c24IAAAAQAAJ&pg=PA135
- ↑ Johann G. L. W. Ubbelohde: Statistisches Repertorium über das Königreich Hannover. 1823, Sied 66: http://books.google.de/books?id=Rvs-AAAAcAAJ&pg=PA66
Stadt Borgdörp | Stadt Celle | Stadt Dannenbarg | Stadt Gifhorn | Stadt Horborg | Stadt Lüchow | Stadt Lümborg | Stadt Ülzen | Stadt Winsen
Amt Ahlden | Amt Addelborg* | Amt Bargen | Amt Bedenbossel* | Amt Bleikd | Amt Bondiek* | Amt Borgdörp | Amt Borgwedel | Amt Celle | Amt Clenze* | Amt Dannenbarg | Amt Ebstörp* | Amt Eikeln* | Amt Fallersläm | Amt Fambossel | Amt Gartow | Amt Gifhorn | Amt Hittfeld* | Amt Hitzacker* | Amt Horborg | Amt Ilten* | Amt Isenhagen | Amt Knesbeck* | Amt Lüchow | Amt Lüün/Lümborg | Amt Medingen | Amt Maanze | Amt Mesborg* | Amt Neehuus | Amt Ollenstadt | Amt Papendiek* | Amt Parrns* | Amt Rethen* | Amt Soltau | Amt Solzhusen* | Amt Töst | Amt Willemsborg* | Amt Winsen an de Aller* | Amt Winsen an de Luh | Amt Wustrow*
* bet 1859