Scheedholt (hoochdüütsch Scheideholz) weer en lütten Oort twüschen Fischbeek un Neegraven (vondaag Stadtdeel Fischbeek-Neegraven, Bezirk Horborg, in de Stadt Hamborg).

Geografie ännern

De Oort Scheedholt leeg an’n Noordrand von de Fischbeker Heid (Deel von de Horbörger Bargen). Na Noorden hett sik dat Moor von dat Oollanner Siedland anslaten.

Historie ännern

Scheedholt is fröher to Fischbeek un Neegraven tellt worrn. Toletzt weer dat in dat 19. Johrhunnert Deel von de Gemeen Neegraven, de later denn aver mit de Gemeen Fischbeek tohoopslaten worrn is.

Bet to Anfang von dat 20. Johrhunnert weer Scheedholt noch en egen afgrenzt Oort. As Fischbeek un Neegraven denn aver gau wussen sünd, is Scheedholt as Oort verswunnen. Vondaag is noch de Stratennaam Scheedholtweg Teken von’n olen Oort.

Verwaltungsgeschicht ännern

De Oort hett vör 1859 to de Huusvaagdie Mesborg von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Mit dat Groot-Hamborg-Gesett 1937 is de Oort Deel von de Stadt Hamborg worrn.

Inwahnertall ännern

Johr Inwahners
1848-00-001848[1] 6 Hüüs
1871-12-011. Dezember 1871[2] 51 Lüüd, 9 Hüüs

Religion ännern

Scheedholt weer evangeelsch-luthersch präägt un hett to dat Kaspel von de Nicolai-Kark in Ilsdörp tohöört. Von 1911 bet 1964 weer dat Deel von de Karkengemeen von de Michaelis-Kark in Neegraven un siet 1964 höört dat Rebeed to de Karkengemeen von de Cornelius-Kark in Fischbeek.

Kultur ännern

Verenen ännern

De Schüttenvereen Scheedholt is 1914 grünnt worrn.

Literatur ännern

  • Hans F. Cords: Neugrabener Geschichten mit Fischbek und Scheideholz. Herbst, Neegraven 1988

Footnoten ännern

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131


Koordinaten:53° 28′ N, 9° 51′ O