Andreas Heimann

Andreas Heimann (* 10. Januar 1992 in Rheinfelden (Baden)) is en düütsch Schachspeler.

Leven

2011 hett he sien Abitur an dat Lise-Meitner-Gymnasium in Grenzach-Wyhlen maakt.

2004 wurr he in Willingen (Upland) düütsch Meester U12, 2006 an den sülvigen Oort düütsch Viezmeester U14. Twee Maan later wurr he in Mureck (Öösterriek) U14-EU-Meister. 2008 wurr he Willingen düütsch Viezmeester U 16. An de Schacholympiade 2008 in Dresden nehm he mit de 3. düütsch Mannschap an dat Reservebrett deel.^[1] In' Juni 2009 wurr Heimann in Badenweiler mit söben ut negen mögelk Punkten Badischer Meester^[2] un wunn de düütsch U18-Internetmeesterschap. Den Titel vun den Badischen Meester kunn he 2010 in Haslach im Kinzigtal mit 7,5 Punkten ut 9 Partien verteidigen. Mit de düütsch Natschonalmannschap wunn he, an Brett Dree spielend, 2011 den Mitropa Cup in Merlimont, 2014 reck he den tweeten Platz. 2015 reck he mit de Mannschap den darten Platz un wunn de Eiezelwertung an Brett 3.^[3]

Siet März 2009 droog he den Titel Internatschonaler Meester. De Normen dorför reck he bi dat 10. Neckar-Open 2006 in Deizisau, bi dat 12. Neckar Open 2008 (mit Övererüllen bi 6,5 Punkten ut 9 Partien) un bi den 24. European Club Cup 2008 in Kallithea (Chalkidiki), bi dat he to'n Bispeel gegen Igor Rausis wunn.^[4] In' September 2016 wurr Heimann vun de FIDE to'n Grootmeester nömmt, de Normen hett he in' Oktober 2013 bi den European Club Cup up Rhodos, in' August 2015 bi dat GM-Turnier des VMCG-Schachfestivals in Lümborg, in' April 2016 bi de Grenke-Open in Karlsruhe as ok in de Saison 2015/16 vun de 2. Bundsliga Süd reckt.^[5]