Wikipedia

Arnold Johann Ludwig von Engelbrechten

Arnold Johann Ludwig von Engelbrechten (* 2. September 1730 in Celle; † 22. Februar 1796 in Neehuus) weer en düütschen Verwaltungsbeamten.

Von Engelbrechten is 1730 as Söhn von Henriette, borene Bacmeister (24. März 1698–8. Januar 1758), un Gottlieb Ludwig Engelbrecht (24. August 1689–12. Mai 1748) in Celle boren.[1] Sien Vader is 1728 in’n Adelsstand opstegen.[1] He hett 1748 anfungen, an de Universität Göttingen Juristeree to studeren.[1] 1757 is he Amtsschriever in dat Amt Zeven worrn un 1760 in dat Amt Harsfeld.[1] 1765 is he dor to’n Amtmann opstegen.[1] He weer dat bet 1773 un is denn bet 1775 Gerichtsdirekter in Oterndörp worrn.[2] Von 1775 bet 1796 weer he Oberamtmann von dat Amt Neehuus.[1]

Von Engelbrechten hett an’n 14. Februar 1760 in Klooster Mariensee Sophie Catharina Amalie Everts freet.[1] 1766 hett he in twete Eh Marianne Luise Sophie von Stade († 1814) freet.[1]

Footnoten

ännern
  1. ↑ a b c d e f g h Hans-Cord Sarnighausen: Hannoversche Amtsjuristen von 1715 bis 1866 in Neuhaus an der Oste. Jahrbuch der Männer vom Morgenstern 91, 2012
  2. ↑ Chronik des Landes Hadeln: nebst interessanten Auszügen aus der Geschichte der Aemter Ritzebüttel, Bederkesa und Neuhaus, des Landes Wursten und des Landes Kehdingen. 1843, Sied 547
  De Artikel „Arnold Johann Ludwig von Engelbrechten“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.
Vun „https://nds.wikipedia.org/w/index.php?title=Arnold_Johann_Ludwig_von_Engelbrechten&oldid=1024738“